Jańa tetikke sáıkes, tizimdegi mamandyq ıelerine Qazaqstanda turaqty turýǵa ruqsat alý múmkindigi qarastyrylǵan. Bul sheshim el ekonomıkasy úshin basym baǵyttarda maman tapshylyǵyn azaıtýǵa baǵyttalǵan.
Enbek.kz portalynyń málimetinshe, medısına salasynda ásirese suranys joǵary:
-
akýsher-gınekolog – 469 bos orynǵa 100 túıindeme
-
pedıatr – 448 bos orynǵa 139 túıindeme
-
anestezıolog-reanımatolog – 300 bos orynǵa 75 túıindeme
Sonymen qatar onkolog, neonatolog jáne endokrınolog mamandaryna da joǵary suranys bar.
Atom energetıkasy mamandary «Bolashaq» baǵdarlamasy aıasynda bilim alady
IT salasynda da kadr tapshylyǵy baıqalady. Atap aıtqanda:
-
qoldanbaly baǵdarlamashylar – 509 bos oryn
-
grafıkalyq dızaınerler – 355 bos jumys orny
Biryńǵaı eńbek sharttaryn esepke alý júıesiniń derekterine sáıkes, suranysqa ıe mamandyqtar boıynsha 45 myńnan astam eńbek sharty jasalǵan. Onyń ishinde baǵdarlamalyq qamtamasyz etý ázirleýshileri, dárigerler men IT mamandary basym.
Sonymen birge sheteldik jumyskerlermen 55 eńbek sharty rásimdelgen, olardyń negizgi bóligi avtomattandyrý ınjeneri mamandyǵyna tıesili.
Jalpy, resmı derekter ishki eńbek naryǵy kóptegen salalarda suranysty qamtamasyz etip otyrǵanyn kórsetedi. Degenmen, densaýlyq saqtaý salasyndaǵy kadr tapshylyǵy áli de ózekti másele bolyp qalyp otyr. Eske sala keteıik buǵan deıin 2022 jyldan bastap medısınalyq joǵary oqý oryndaryna túsken túlekter rezıdentýrany mindetti túrde ótpeı-aq jumys isteýge ruqsat berilgen bolatyn.
Nurbolat AMANBEK
