Foto: Shwe Phee Myay
Jergilikti derekkózderdiń málimetinshe, qaza tapqandardyń arasynda 25 áıel men 30 er adam bar. Aýmaqty baqylaýda ustap otyrǵan Taan ulttyq azattyq armııasy (TNLA) jarylysqa ken óndirý jáne tas karerlerinde qoldanylatyn jarylǵysh zattardyń tutanýy sebep bolǵanyn málimdedi. Uıymnyń habarlaýynsha, oqıǵa jeksenbi kúni jergilikti ýaqyt boıynsha saǵat 12:00-de bolǵan.
TNLA taratqan málimdemede jarylys saldarynan kóptegen turǵyn qaza taýyp, jaraqat alǵany, sondaı-aq turǵyn úılerdiń búlingeni aıtylǵan. Alaıda oqıǵanyń naqty sebepteri týraly tolyq aqparat berilgen joq.
Turǵyndardyń aıtýynsha, alǵashqy sátte kópshilik muny áýe shabýyly dep oılaǵan. Qaza bolǵandardyń arasynda balalar da bar. Sonymen qatar júzdegen úıge zaqym kelgen.
Jarylystan keıingi kórinisti turǵyndar úreı men qaıǵyǵa toly jaǵdaı retinde sıpattaıdy. Kóbi jaqyndaryn izdep, ata-analaryn shaqyryp jylaǵan. Keıbir turǵyndar jarylǵysh zattar saqtalǵan nysannyń turǵyn úılerge tym jaqyn ornalasýyna qatysty jaýapty organdardan túsinikteme talap etip otyr.
BBC málimetinshe, Taan ulttyq azattyq armııasy – Mıanmadaǵy áskerı bılikke qarsy kúresip júrgen eń yqpaldy etnıkalyq qarýly toptardyń biri.
