Endi jańa júrgizýshi kýáligin alatyn azamattar mehanıkalyq nemese avtomatty berilis qoraby bar kez kelgen kólikti zańdy túrde basqara alady. Buǵan deıin avtomatty kólikpen emtıhan tapsyrǵan júrgizýshilerdiń qujatyndaǵy «Erekshe belgiler» bóliminde tıisti shekteý kórsetiletin edi.
Júrgizýshilerge eskertý: 1 maýsymnan bastap jazǵy shınaǵa kóshý mindetti
Mamandardyń aıtýynsha, bul norma eskirgen dep tanyldy. О́ıtkeni Qazaqstandaǵy avtomobıl naryǵynda da, ekinshi naryqta da avtomatty berilis qoraby bar kólikterdiń úlesi basym.
Alaıda buryn berilgen júrgizýshi kýálikterinde mundaı belgisi bar azamattarǵa jańa ózgeris birden qoldanylmaıdy. Olar qujattaryn josparly túrde aýystyrǵanǵa deıin tek avtomatty berilis qoraby bar kólikterdi júrgize alady.
Júrgizýshiler alańdaýly: Atyraýda sheteldik nómirli kólikterge tekserý kúsheıdi
Sonymen qatar elde kólik quraldaryn tirkeýge qatysty jańa erejeler kúshine endi. Endi el azamattary paıdalanylǵan memlekettik tirkeý nómirlerin týystaryna muraǵa qaldyrady nemese syıǵa tarta alady. Buǵan deıin mundaı múmkindik tek suranysy joǵary nómirlerge ǵana berilgen bolatyn.
