Tañdauym baǵdarlamasy 2025 jyly tehnıkalyq jáne óndiristik baǵyttardy tańdaıtyn qyzdardy qoldaý maqsatynda iske qosyldy. Baǵdarlamanyń maqsaty – olardyń kásibı ortaǵa qoljetimdiligin keńeıtý, róldik modeldermen tanysýyna jáne ındýstrııany tájirıbe arqyly tereńirek túsinýine múmkindik berý.
Baǵdarlamaǵa Almaty qalasyndaǵy 7 joǵary oqý ornynan 172 ótinim kelip tústi. Irikteý nátıjesinde 3-4 kýrs stýdentteri arasynan 30 stýdent qyz stıpendıat atandy.
Baǵdarlama birneshe qoldaý baǵyttaryn biriktirdi. Ár qatysýshy CCI Kazakhstan zaýyttarynyń qazirgi qyzmetkerleri qatarynan jeke mentorǵa ıe boldy – jobaǵa jalpy 16 mentor qatysty. Baǵdarlama barysynda kelissóz júrgizý, konflıktterdi basqarý, stress-menedjment, assertıvti minez-qulyq jáne kópshilik aldynda sóıleý daǵdylaryna arnalǵan soft skills boıynsha 5 trenıng ótkizildi.
Baǵdarlamadaǵy jeke baǵyttardyń biri – komıýnıtı-kezdesýler men mansaptyq is-sharalar boldy. Qatysýshylar úshin 7 taqyryptyq kezdesý uıymdastyryldy, onyń ishinde «О́ndiristegi áıel kóshbasshylar: mansapty bastaý men kásibı ósý úshin ne mańyzdy?» atty paneldik pikirtalas, Women in Business forýmyna qatysý, sondaı-aq óndiristik saladaǵy qazirgi mamandarmen kezdesýler ótti.
«Baǵdarlamaǵa qatysqannan keıin mamandyqtaǵy «jalǵyzdyq» sezimi múlde joǵaldy. Tañdauym qaýymdastyǵy – bul tájirıbe, qorqynyshtarymyz ben jetistikterimizdi erkin bólisetin qaýipsiz orta», dedi baǵdarlama qatysýshysy Jansaıa Moldahmetova.
Baǵdarlamanyń praktıkalyq bóligi CCI Kazakhstan jáne Astana Motors zaýyttaryna jasalǵan saparlardy qamtydy. Bul stýdent qyzdarǵa naqty óndiristik úderistermen tanysýǵa múmkindik berdi. Sonymen qatar, 28 qatysýshy óz qalaýy boıynsha tańdalǵan kýrstarǵa – aǵylshyn tili men IELTS-ke daıyndyqtan bastap AutoCAD, Excel, HACCP jáne jasandy ıntellekt boıynsha kýrstarǵa bilim granttaryn ıelendi.
Baǵdarlama qorytyndysy boıynsha bir qatysýshy CCI Kazakhstan kompanııasynda tájirıbeden ótý múmkindigine ıe boldy, al taǵy tórt stýdent qyz kompanııanyń ambassadorlary atandy.
«Meniń óz-ózime degen senimim artty. Tehnıkalyq mamandyqtar tek er adamdarǵa arnalǵan degen stereotıpti jeńdim. Sonymen qatar, meni túsinetin jáne meni maman retinde kóretin qoldaýshy orta men mentor taptym», dep bólisti baǵdarlama qatysýshysy Gúlnaz Shaıhy.
Qorytyndy saýalnama nátıjelerine sáıkes, qatysýshylardyń 100%-y baǵdarlamany basqa stýdent qyzdarǵa usynýǵa daıyn ekenin bildirgen. 97%-y óz-ózine degen seniminiń artqanyn atap ótti, sondaı-aq 84%-y baǵdarlamanyń mansaptyq maqsattaryn aıqyndaýǵa kómekteskenin, al 87%-y mentorlarmen ózara jumysty tıimdi dep baǵalaǵan.
«Komıýnıtı-kezdesýlerden jáne mentormen qarym-qatynastan keıin men soft skills daǵdylarynyń da mańyzdylyǵy kem emes, keı jaǵdaılarda tipti mańyzdyraq ekenin túsindim. Maǵan jumys berýshiler úshin ne mańyzdy ekeni, suhbat kezinde suraqtarǵa qalaı jaýap berý kerek jáne ózimdi qalaı durys tanystyrý qajet ekeni týraly túsinik qalyptasty», dedi baǵdarlama qatysýshysy Aıgerim Darmesh.
Uıymdastyrýshylardyń aıtýynsha, Tañdauym baǵdarlamasynyń alǵashqy sıkli tehnıkalyq mamandyqtarda oqıtyn stýdent qyzdardy júıeli túrde qoldaýǵa joǵary suranys bar ekenin kórsetti. Baǵdarlama formaty kásibı damýdy, mansaptyq baǵyt-baǵdardy jáne qoldaýshy qaýymdastyq qalyptastyrýdy biriktirip, qatysýshylarǵa óndiristik jáne ınjenerlik salalarda óz mansabyn senimdi túrde qurýǵa múmkindik berdi.
CCI – Anadolu Group quramyna kiretin halyqaralyq sýsyn óndirýshi túrik kompanııasy. Kompanııa Túrkııa, Pákistan, Qazaqstan, Irak, О́zbekstan, Bangladesh, Ázerbaıjan, Qyrǵyzstan, Iordanııa, Tájikstan, Túrkmenstan jáne Sırııada jumys isteıdi. CCI The Coca-Cola Company jáne Monster Energy Beverage Corporation kompanııalarynyń gazdalǵan jáne gazdalmaǵan sýsyndaryn óndirip, satady. Sondaı-aq Anadolu Etap İçecek (Anadolu Etap Penkon Gıda ve İçecek Ürünleri Sanayi ve Ticaret Anonim Şirket) enshiles kompanııasy arqyly konsentrattalǵan jemis shyrynyn shyǵarady.
CCI quramynda 10 000-nan astam qyzmetker jumys isteıdi, kompanııa 12 elde 3 jemis óńdeý zaýyty men 36 quıý zaýytyn basqarady, 600 mıllıonnan astam adamǵa ónimderin usynady. Gazdalǵan sýsyndarmen qatar ónimder portfeline shyryndar, sý, sporttyq jáne energetıkalyq sýsyndar, salqyn shaı men kofe kiredi.
CCI aksııalary Borsa Istanbul (BIST) qor bırjasynda «CCOLA.IS» sımvolymen saýdalanady.
KQ «Ortalyq Azııanyń Eýrazııa Qory» (OAEQ) – Qazaqstanda 20 jyldan astam jumys isteıtin úkimettik emes uıym. Qor osal toptardy qoldaý, ÚEU áleýetin arttyrý, bilim berý jáne jastardy qoldaýǵa, áleýmettik kásipkerlikti damytýǵa baǵyttalǵan jobarlardy iske asyrady.
Qor adamdarǵa ekonomıkalyq turaqtylyqqa jetýge jáne azamattyq belsendilikke qatysýǵa qajetti bilim, resýrstar men quraldardy usynady. Sonymen qatar, korporatıvtik sektormen belsendi yntymaqtastyq ornatyp, ESG basymdyqtaryna sáıkes turaqty jobalardy iske asyrady jáne bıznesti senimdi jergilikti seriktestermen biriktiredi.
