Foto: istockphoto.com
1 maýsymnan bastap SCAT Airlines Shymkentten Sankt-Peterbýrg qalasyna reıster oryndaı bastaıdy. Al 2 maýsymda Qazaqstan men Mońǵolııa arasyndaǵy alǵashqy tikeleı áýe qatynasy «Astana – Ulan-Bator» baǵyty ashylady.
9 maýsymnan bastap Tel-Avıv baǵyty boıynsha reıster iske qosylady. Sonymen qatar Air Astana áýe kompanııasy Astana men Almatydan Larnaka qalasyna jáne «Astana – Gýanchjoý» baǵytyna jańa reıster ashpaq.
FlyArystan áýe kompanııasy da baǵyttar jelisin keńeıtip jatyr. 6 maýsymnan bastap «Aqtaý – Batýmı», al 26 maýsymnan bastap «Aqtaý – Úrimshi» baǵyttary boıynsha reıster ashylady.
16 maýsymnan bastap Azerbaijan Airlines (AZAL) Shymkent pen Baký arasynda turaqty áýe qatynasyn iske qosady. Reıster aptasyna eki ret oryndalady.
Temirjol salasynda da jańalyq bar. 1 maýsymnan bastap «Qaraǵandy – Balqash» jańa poıyzy jolǵa shyqty. Budan bólek, 16 maýsymnan bastap «Qazaqstan temir joly» ulttyq kompanııasy elimizdiń kýrorttyq jáne týrıstik aımaqtaryna qosymsha 15 temirjol baǵytyn iske qosýdy josparlap otyr.
Eske sala keteıik, buaǵan deıin Almatydan Varshava men Izmır baǵytyna jańa reıster ashylatyndyǵyn jazǵan edik.
