Jobanyń jalpy uzyndyǵy 22,4 shaqyrymdy quraıdy. Baǵyt elordanyń negizgi kósheleri men mańyzdy nysandaryn qamtıdy. Olardyń qatarynda áýejaı, Qabanbaı batyr dańǵyly, «Astana Juldyzy» stellasy, Mega Silk Way saýda ortalyǵy, Botanıkalyq baq, Abu-Dhabi Plaza, Úkimet úıi, Arys kópiri, Qaldaıaqov kóshesi, Ulttyq mýzeı jáne «Nurly jol» vokzaly bar.
Reıster kúnine tańǵy 06:00-den keshki 23:00-ge deıin qatynaıdy.
LRT-de jol júrý quny 200 teńge bolyp belgilendi. Tólemniń birneshe tásili qarastyrylǵan:
- FacePay (bet-álpet arqyly bıometrııalyq tólem)
- LRT kólik kartasy (quny – 1000 teńge)
- Visa/Mastercard banktik kartalary
- NFC (smartfon nemese smartsaǵat arqyly)
- QR-kod arqyly
- bir rettik bılet (kassa nemese avtomat arqyly)
Astana qalasynda tirkelgen 7-18 jas aralyǵyndaǵy oqýshylar men jeńildik sanatyndaǵy azamattar úshin jol júrý tegin bolady.
Jelide 15 poıyz qatynaıdy, onyń tórteýi rezervte bolady. Poıyzdar 60 km/saǵ jyldamdyqpen qozǵalady. Árbir tórt vagonnan turatyn poıyz 600-den astam jolaýshyny tasymaldaı alady.
Joba qaladaǵy qoǵamdyq kólik júıesin jańǵyrtyp, jolaýshylar júktemesin azaıtýǵa baǵyttalǵan.
Nurbolat AMANBEK
