Tergeý málimetinshe, 2018-2023 jyldar aralyǵynda Ońtústik Qazaqstan joǵary medısınalyq kolledji men Ońtústik Qazaqstan gýmanıtarlyq-qarjy kolledji quryltaıshysy jalǵan oqytý shemasyn uıymdastyrǵan.
Qylmystyq shemaǵa kolledj basshylary, býhgalterler jáne ózge de qatysy bar tulǵalar tartylǵan. Shema jalǵan buıryqtar shyǵarý, elektrondyq sıfrlyq qoltańbalardy paıdalaný jáne jalǵan aktiler rásimdeý arqyly júzege asqan. Sonymen qatar, keıbir stýdentter aqyly bólimnen memleket esebinen oqıtyndar qataryna zańsyz aýystyrylǵan.
Abaı oblysynda sharýa qojalyǵy basshysy 211 mln teńge jymqyrǵan
Tergeý deregine saı, Ońtústik Qazaqstan gýmanıtarlyq-qarjy kolledji is júzinde jumys istemegen jáne tek bıýdjet qarjysyn ıemdený úshin paıdalanylǵan. Sonyń saldarynan memleketke keltirilgen jalpy shyǵyn 1,3 mlrd teńgeden asqan.
«Eki kúdiktige qatysty qamaýda ustaý túrindegi bultartpaý sharasy, taǵy úsh tulǵaǵa qatysty eshqaıda ketpeý jáne tıisti minez-qulyq týraly qolhat túrindegi bultartpaý sharasy qoldanyldy», delingen agenttik habarlamasynda.
Aýyl klýbynyń basshysy 10 jyl boıy bıýdjet qarjysyn jymqyrǵan
QMA málimetinshe, kúdiktiler 65 mln teńge shyǵyndy erikti túrde ótegen. Budan bólek, sot sanksııasymen úsh páterge, onyń ishinde Dýbaı qalasyndaǵy páterge, úsh turǵyn úı men úsh avtokólikke tyıym salynǵan.
Nurbolat AMANBEK
