Foto: Pixabay
Sarapshylar ekonomıkanyń ósimi bir ǵana sektordyń esebinen emes, birneshe negizgi salanyń qatar damýy arqyly qalyptasyp otyrǵanyn atap ótti. Máselen, qurylys, kólik jáne logıstıka, saýda, aýyl sharýashylyǵy men óńdeý ónerkásibi ekonomıkanyń negizgi draıverine aınalǵan.
Bul ekonomıkalyq ósim qurylymynyń anaǵurlym turaqty bola bastaǵanyn kórsetedi. О́ndirýshi ónerkásip salasynda qysym saqtalǵanyna qaramastan, el ekonomıkasynyń jalpy dınamıkasy oń baǵytta damyp otyr.
Sıfrlyq ekonomıka IJО́-ge qalaı áser etedi? Prezıdent usynystar engizýdi tapsyrdy
IJО́ ósimine óndiristik sektorlar serpin berip keledi
Qazirgi ekonomıkalyq dınamıkanyń basty ereksheligi – ósimniń shıkizat sektorynan emes, shıkizattyq emes negizgi salalardan qalyptasýy. Atap aıtqanda, qurylys, kólik, saýda, aýyl sharýashylyǵy jáne ásirese óńdeý ónerkásibi ekonomıkanyń negizgi qozǵaýshy kúshine aınalyp otyr.
О́ńdeý ónerkásibiniń 9,9 paıyzǵa ósýi – ekonomıka qurylymyndaǵy mańyzdy ózgeristiń belgisi. Mundaı qarqyn salany sońǵy jyldardaǵy eń joǵary kórsetkishterge jaqyndatyp, eldiń óndiristik bazasy ártaraptanyp kele jatqanyn ańǵartady.
О́ńdeý ónerkásibi ónerkásip ósiminiń basty draıverine aınaldy
Tórt aıdyń qorytyndysy boıynsha ónerkásip óndirisinde de ósim baıqalyp otyr. Ulttyq ekonomıka mınıstrliginiń málimetinshe, naqty kólem ındeksi – 102,1 paıyzǵa jetti.
Bul ósimge, eń aldymen óńdeý sektorynyń jedel damýy áser etti. Qańtar-sáýir aılarynda óńdeý ónerkásibi – 9,9 paıyzǵa ósti. Al qańtar-naýryz qorytyndysynda bul kórsetkish – 8,5 paıyz bolǵan.
Iаǵnı, ónerkásip ósimi tek shıkizat óndirisiniń esebinen emes, qosylǵan quny joǵary ónim shyǵaratyn salalardyń damýy arqyly qamtamasyz etilip otyr.
Serik Jumanǵarın: Elimizdiń IJО́ mólsheri 300 mlrd dollardan asty
О́ńdeý ónerkásibi sońǵy jyldardaǵy eń joǵary qarqyndardyń birin kórsetti
О́ńdeý ónerkásibindegi tarıhı eń joǵary ósim 2017 jyly tirkelgen. Ol kezde qańtar-sáýir aılaryndaǵy ındeks 114,3 paıyzǵa jetken edi.
Qazirgi kórsetkish 2020 jyldyń basyndaǵy joǵary qarqynnan da asyp tústi. Atalǵan kezeńde qańtar-aqpan aılarynda óńdeý ónerkásibiniń ósimi 109,4 paıyz bolǵan.
