Foto: Ashyq derekkóz
Mınıstrlik qyzmetkerleri mamyr aıynyń basynda júrgizilgen jalpy jáne arnaıy operasııalar nátıjesinde qala shetindegi jeke úılerdiń birinde sıntetıkalyq esirtki óndirisi uıymdastyrylǵanyn áshkereledi. Tergeý málimetine sáıkes, zańsyz iske aǵaıyndy eki er adam jetekshilik etken.
Tintý kezinde oqıǵa ornynan jarty tonnaǵa jýyq suıyq mefedron men 1,5 tonna prekýrsor tárkilendi. Qazir atalǵan zattarǵa saraptama taǵaıyndalǵan.
Sonymen qatar quqyq qorǵaý organdary reaktor, kolbalar, magnıttik aralastyrǵysh, kanıstrler, plastıkalyq naýalar jáne esirtki daıyndaýǵa paıdalanylǵan ózge de quraldardy tárkiledi.
Esirtki usynyp, birge ketýge kóndirgen: Almatyda jasóspirim qyzǵa tıisken er adam izdestirilip jatyr
Kúdiktilerge qatysty Qylmystyq kodekstiń 297-1-baby boıynsha sotqa deıingi tergep-tekserý bastaldy. Atalǵan bap boıynsha ómir boıyna deıin bas bostandyǵynan aıyrý jazasy qarastyrylǵan. Qazirgi ýaqytta ustalǵandar ýaqytsha ustaý ızolıatoryna qamaldy.
IIM esirtki qylmysyna qarsy is-qımyl komıteti tóraǵasynyń orynbasary Eldar Ábdikenov esirtki óndirisine qatysty kez kelgen zańsyz áreket qatań túrde toqtatylatynyn aıtty.
«Esirtki óndirýdi uıymdastyrýǵa baǵyttalǵan kez kelgen áreketke tosqaýyl qoıylady. Bul baǵyttaǵy jumys jalǵasyp jatyr», dedi ol.
Qazaqstanda esirtki bıznesimen aınalysqan 76 shetel azamaty ustaldy
