Et óndirisin eseleý úshin

Elimizdegi mańyzdy salalar qa­tarynan sanalatyn aýyl sha­rýa­shylyǵy, onyń ishinde mal sha­rýashylyǵynyń kóterer júgi úl­ken ekeni belgili. Al ony damytý úshin jasalyp jatqan  jumys­tar­dyń júıeli júrgizilip turýy qa­shanda kezek kúttirmeıtin másele­ler ekendigi de anyq. Qazaqtyń oń jambasyna keletin atalǵan sa­la­ny uqsatýda san qyrly tusta­ry­nan qulaǵdar bolý maqsatynda kóp­shilik pikiriniń de tıgizer paı­dasy az bolmaıdy. Osyndaı negizde Astanada Aýyl sharýashy­ly­ǵy mınıstrliginiń uıymdasty­rýy­men «Et jáne sút sharýa­shy­lyǵyn damytý jumysyn ǵylymı-aqparattyq jaǵynan qamtamasyz etý» atty taqyrypta halyq­aralyq ǵylymı-tájirıbelik konferensııa ótti. Oǵan AQSh, Kanada, Fransııa, Germanııa, Italııa, Reseı jáne Lıtva syndy memleketterden kelgen ǵalymdar men sarapshy-mamandar qatysyp, óz­ara tájirıbe almasty. Basqosýdy ashqan Aýyl sha­raýashylyǵy vıse-mınıstri Saq­tash Hasenov mal sharaýashy­ly­ǵy­nyń qazirgi hal-ahýalyna toqta­lyp, bul salanyń ǵylymı ále­ý­e­tin kóterý qajettigin atady. Son­daı-aq ol údemeli ındýstrııalyq-ınnovasııalyq damý baǵdar­lama­sy aıasynda otandyq et sharýa­shy­lyǵyn damytýdy kózdeıtin bir­qa­tar jobalardy júzege asyrý jos­parlanyp otyrǵandyǵyn aıta kele, 2015 jyly eksportqa shyǵa­ry­latyn iri qara maldyń etin 60 myń tonnaǵa deıin jetkizý kóz­del­genin de nazardan tys qal­dyrmady. Konferensııanyń negizgi maq­saty – sala boıynsha álemde qandaı jańalyqtar bolyp jatyr, olar qandaı joldy tańdap aldy, búgingi jetistikterge qandaı jolmen keldi degen saýaldar tóńi­re­ginde tájirıbe almasý. Sondyq­tan da bul otyrystyń mańyzy erekshe boldy. Biz osy tájirıbelerge súıene otyryp, Elbasynyń alǵa qoıǵan maqsattaryn tıimdi jú­zege asyrýǵa bar kúsh-jigerimizdi jumsaımyz, – deıdi «Asyl túlik» respýblıkalyq mal tuqymyn as­yl­dandyrý ortalyǵy» AQ bas­qar­­ma tóraǵasy Aıbyn Tórehanov. Eki kúnge sozylǵan halyq­ara­lyq basqosý aıasynda sheteldik ma­mandardyń qatysýymen iri qa­ranyń gereford, angýss, sharolez, sımmental, obrak, lımýzın jáne basqa da túrleriniń sıpattamasy jan-jaqty talqylandy. Ábdirahman QYDYRBEK.