Osy qara ýyldyryqtyń atasy bekire joıqyn teńizi joq, biraq taýdan qulap aqqan bulaqtary kóp, qazaq jeriniń eń ásem, shuraıly jerleriniń biri Túlkibas aýdanynda da ósirile bastady.
Túlkibastyń Kereıt aýylynda 2012 jyly óńirlik ındýstrııalandyrý kartasy aıasynda qosylǵan «Aqsanat-Injınırıng» atty seriktestiktiń 452 mln teńgege turǵyzylǵan balyq ósiretin sharýashylyǵy bar. Balyq bolǵanda da eldiń aýzynyń sýy qurǵaı balyq tóresi dep maqtaı beretin bekire. Sharýashylyqqa bir barǵanymyzda albınos tektes bekireni de kórgen edik. О́zi eki-úsh jylda ǵana ýyldyryq shashatynǵa uqsaıdy. Qara emes, altyn tústes ýyldyryǵynyń bir kelisi sol kezde on myń dollarǵa satylǵan. Budan basqa da irili-usaqty sharýashylyqtary bar kásiporyn osy salada ońtústik óńirindegi jańa tehnologııanyń qyzyǵyn kórip otyrǵan eń iri qojalyq bolyp tabylady.
«Aqsanat Injınırıng» JShS aıdaladan batpan quıryq taýyp alyp, baıyp ketken joq. Bıznes-josparyna óz qarjysy jetpegendikten, Úkimet tarapynan ındýstrııalandyrý kartasy sheńberinde jeńildetilgen nesıe aldy. Iаǵnı, «kóz – qorqaq, qol – batyr».
Búginde óńirde kooperatıvter qurý isine oblys basshysy Janseıit Túımebaev bel sheship kirisip ketti. О́zara tájirıbe almasyp, biriniń ozyǵyn ekinshisi paıdalanyp, paıdaǵa shyǵý úshin kóshpeli semınarlar ótkizip jatyr.
Jaqynda Kereıt aýylynda «Kooperasııa − agroónerkásip keshenin damytýdyń negizi» atty kóshpeli semınar ótkizip, negizgi mysalǵa «Aqsanat Injınırıng» seriktestiginiń jumysy usynyldy.
Semınarda sóz alǵan Janseıit Túımebaev aýyl sharýashylyǵyn damytýdaǵy negizgi basymdyqtarǵa toqtalyp, sharýalardy kooperatıvterge birigýge shaqyrdy.
− Bizdiń oblystyń bolashaǵy − aýyl sharýashylyǵynda. Sondyqtan, tájirıbesi mol sharýa qojalyqtary tirligin endi bastaǵan áriptesterine barynsha qoldaý bildirýi qajet. Bilgenin úıretip, aıaqtan turýyna kómek qolyn sozǵany abzal. Sonda ǵana usaq sharýashylyqtardy biriktirýge, iri jobalardy iske asyrý úshin kiriktirýge bolady. Bul óz kezeginde memleket tarapynan bólingen sýbsıdııalarǵa qol jetkizýge yqpal etedi. Eń bastysy, ońtústiktiń aýyl sharýashylyǵy damıdy, − dedi jıynda Janseıit Qanseıituly.
Budan bólek semınarda aýylsharýashylyq ónimderiniń kórmesi uıymdastyryldy. «Kooperasııa − agroónerkásip keshenin damytýdyń negizi» taqyrybyndaǵy teorııalyq jıynda balyq sharýashylyǵy jáne asyl tuqymdy mal sharýashylyǵyn damytý, aýyldyq eldi mekenderde sút óndirýshi sharýashylyqtardyń basyn qosý, aýylsharýashylyq óndiristik kooperatıvin qurý týraly sala mamandarynyń pikirleri tyńdaldy.
Semınardan keıin oblys basshysy bastaǵan top sharýashylyqtyń jalpy quny 600 mln teńge bolatyn «Arsan As» seriktestiginiń jemis-jıdek konsentrattaryn jáne tabıǵı sýyndar daıyndaıtyn seh jumysymen tanysty.
Ázirge qyryqqa jýyq jumysshysy bar zaýyt bıýdjetiniń 120 mln teńgesi quryltaıshylardyń qarjysy bolsa, 480 mln teńge «Maksımým» qarjy uıymynan alynǵan.
Balyq sharýashylyǵy, jemis-jıdek zaýytynan bólek «Aqsanat Injınırıngte» asyl tuqymdy jylqylar men iri qara ósiriledi. Mundaǵy 186 bas jylqynyń ishinde ataǵy alysqa ketken Aqalteke, Dondyq, Kóshimdik asyl tuqymdy arǵymaqtary bar. Sonymen qatar, 1120 usaq mal men shet elden ákelingen 660 aberdın-angýs, 241 gereford sıyryn ósirip otyr. Onyń syrtynda 900 bas jergilikti iri qara da bar.
О́z qarjysy jetińkiremegen soń Úkimetten jeńildetilgen nesıe alyp oblystaǵy irgeli sharýashylyqtardyń birine aınalǵan kásiporynda sharýashylyǵyn irilendirýge batyly jetpeı júrgenderge úırenetin úrdis kóp.
Bul ásirese, respýblıka boıynsha qolǵa alynǵan kooperasııa júıesine úlken serpin beredi.
Baqtııar Taıjan,
«Egemen Qazaqstan»
Ońtústik Qazaqstan oblysy
