Qala prokýratýrasynyń bastamasymen 2025 jyly alıment óndirý boıynsha qabyldanǵan sharalardyń nátıjesinde balalardyń paıdasyna 734 mıllıon teńge óndirildi. Bul – alıment óndirý tetikterin kúsheıtý men boryshkerlerge qatysty talaptyń qatańdatylǵanyn kórsetedi.
Dınara Zakıeva: Jańa Konstıtýsııada otbasy men bala quqyǵyn qorǵaý kúsheıtiledi
Prokýratýranyń úılestirýimen alıment tóleýden qasaqana jaltarǵan, jumysqa ornalasý jóninde de áreket jasamaǵan, 1 761 252 teńge kóleminde bereshegi bar boryshker anyqtaldy. Kámeletke tolmaǵandardyń isteri jónindegi mamandandyrylǵan aýdanaralyq sot ony Qylmystyq kodekstiń 139-baby boıynsha kináli dep tanyp, bir jyl merzimge bas bostandyǵyn shekteý jazasyn taǵaıyndady.
Astanada jeke sot oryndaýshy alıment tólemegen ákeden 196 mln teńge óndirip aldy
Jalpy, Oral qalasynda osy bap aıasynda alty boryshker qylmystyq jaýapkershilikke tartylǵan. Budan bólek, alıment óndirý týraly sot sheshimderin oryndamaǵan 185 adam Ákimshilik quqyq buzýshylyq týraly kodekstiń 669-baby boıynsha ákimshilik jaýapqa tartyldy.
BQO-da úsh jyl boıy alıment tóleýden jaltarǵan er adam qamaýǵa alyndy
Qabyldanǵan sharalardyń nátıjesinde 416 balanyń quqyǵy qorǵalyp, 288 boryshker jumyspen qamtyldy. Bul alıment máselesin tek jazalaý arqyly emes, áleýmettik tetiktermen de sheshýge bolatynyn kórsetip otyr.
Prokýratýra ókilderi alımentti ýaqytyly tóleý – árbir ata-ananyń zańmen bekitilgen mindeti ekenin eske salady. Balanyń quqyǵy men múddesi kez kelgen jaǵdaıda birinshi orynda turýǵa tıis.
