Foto: Ashyq derekkóz
Jańa mektepterde búginde 200 myńnan astam oqýshy bilim alyp jatyr, al sabaq úderisin 16 000-nan astam muǵalim zamanaýı ádister arqyly júrgizip otyr. Bul bilim berý sapasyn arttyrýǵa jáne oqý prosesin jańasha uıymdastyrýǵa múmkindik berip otyr.
Muǵalimderdiń kásibı damýyna da erekshe kóńil bólinip otyr. Qazirgi tańda 10 000-nan astam pedagog jasandy ıntellekt, sıfrlyq quraldar, STEM baǵyty jáne jańa pedagogıkalyq tásilder boıynsha arnaıy kýrstardan ótti.
Oqytý semınarlary – Zııatkerlik mektepter, «Bilim-Innovasııa» lıseıleri jáne «О́rleý» ortalyǵynyń bazasynda uıymdastyrylyp keledi. Bul alańdar pedagogterdiń tájirıbe almasýyna jáne jańa bilim berý ádisterin meńgerýine jol ashyp otyr.
Sonymen qatar mektep dırektorlaryn irikteý júıesi de jańartyldy. Basshylyq qyzmetke tájirıbeli pedagogtermen qatar «Bilim berýdegi ózgeristerdiń 1000 kóshbasshysy» jobasynyń túlekteri de taǵaıyndalyp jatyr.
Dırektorlar strategııalyq konferensııalar aıasynda STEM-bilim berý modelin meńgerip, daryndy oqýshylardyń qabiletin damytý, kadrlyq áleýetti kúsheıtý jáne jasandy ıntellekt negizinde sabaq josparlaý ádisterin úırenip jatyr.
Joba sheńberindegi bul bastamalar elimizdegi mektepterdiń sapasyn arttyryp, bilim berý júıesin jańa deńgeıge kóterýge baǵyttalǵan.
