Aýqymdy jıynǵa QR Ǵylym jáne joǵary bilim mınıstrligi Joǵary jáne joǵary oqý ornynan keıingi bilim komıteti tóraǵasynyń orynbasary Aqerke Abylaıhan, Jetisý oblysy ákiminiń orynbasary Marlen Kólbaev, quqyq qorǵaý organdarynyń ókilderi, sheteldik jáne otandyq joǵary oqý oryndarynyń ǵalymdary, sarapshylar men zertteýshiler qatysty.
Halyqaralyq konferensııa qoǵamdaǵy ózekti máselege aınalǵan lýdomanııanyń áleýmettik, quqyqtyq, psıhologııalyq jáne medısınalyq qyrlaryn keshendi túrde talqylaýǵa arnaldy. Búginde qumar oıyndarǵa táýeldilik jeke adamnyń ǵana emes, tutas qoǵamnyń turaqtylyǵyna áser etetin kúrdeli áleýmettik qubylys retinde baǵalanýda. Ásirese jastar arasynda keń taralýy otbasy qundylyqtaryna, qoǵamdyq sanaǵa jáne qarjylyq turaqtylyqqa eleýli qaýip tóndirýde.
Sońǵy jyldary memleket deńgeıinde bul máselege erekshe nazar aýdarylyp keledi. Memleket basshysy Qasym-Jomart Toqaev 2023 jylǵy Ulttyq quryltaıda qumar oıyndarǵa táýeldiliktiń qoǵamǵa tıgizetin zardaptaryn atap ótip, jastardy mundaı qaýipten qorǵaý, aldyn alý tetikterin kúsheıtý jáne jaýapkershilik mádenıetin qalyptastyrý baǵytyndaǵy jumystardy júıeleý qajettigin kótergen bolatyn. Al 2024 jylǵy Qaýipsizdik keńesinde lýdomanııa máselesi qoǵamdyq qaýipsizdik pen áleýmettik turaqtylyqqa yqpal etetin faktorlardyń biri retinde qarastyrylyp, memlekettik deńgeıde keshendi sharalardy kúsheıtý mindeti qoıyldy. Osy turǵydan alǵanda Jetisý jerinde ótken halyqaralyq konferensııa memlekettik saıasat pen ǵylymı izdenisti ushtastyrǵan mańyzdy alańǵa aınaldy.
Konferensııa aıasynda lýdomanııa taqyrybyna arnalǵan ǵylymı monografııalardyń tusaýkeseri ótti. Atap aıtqanda, Ermek Bóribaev pen Janna Hamzınanyń redaksııasymen jaryq kórgen «Qumar oıyn bıznesin memlekettik retteýdiń halyqaralyq tájirıbeleri men lýdomanııanyń aldyn alý sharalaryn keshendi zertteý» («Kompleksnoe ıssledovanıe mejdýnarodnyh praktık gosýdarstvennogo regýlırovanııa ıgornogo bıznesa ı mer po predýprejdenııý lýdomanıı») jáne «Qazaqstandaǵy lýdomanııa men oıyn bıznesine keshendi pánaralyq taldaý» («Kompleksnyı mejdıssıplınarnyı analız lýdomanıı ı ıgornogo bıznesa v Kazahstane») atty ǵylymı eńbekter kópshilikke tanystyryldy. Zertteýlerde qumar oıyndarǵa táýeldiliktiń sebepteri men saldary, halyqaralyq retteý tájirıbeleri jáne aldyn alý tetikteri keshendi túrde saralanǵan.
Aıta ketý kerek, halyqaralyq konferensııa QR Ǵylym jáne joǵary bilim mınıstrliginiń baǵdarlamalyq-nysanaly qarjylandyrýy aıasynda júzege asyrylyp jatqan BR24992927 «Qazaqstandaǵy lýdomanııany ıntegratıvti zertteý jáne ony azaıtýdyń kópsalaly strategııalary» ǵylymı baǵdarlamasy, sondaı-aq QR Mádenıet jáne aqparat mınıstrliginiń qoldaýymen jáne Azamattyq bastamalardy qoldaý ortalyǵy KEAQ qatysýymen iske asyrylatyn «Qazaqstan jastary arasynda lýdomanııanyń aldyn alý boıynsha keshendi sharalar» jobasy sheńberinde uıymdastyryldy.
Jetisý tórinde ótken halyqaralyq basqosý ǵylymı qaýymdastyq, memlekettik organdar men azamattyq qoǵam ókilderiniń kúsh biriktirýi arqyly lýdomanııaǵa qarsy kúrestiń jańa baǵyttaryn aıqyndaǵan mańyzdy dıalog alańyna aınaldy.
