Qordaı aýdany polısııa bóliminiń kóshi-qon qyzmeti qyzmetkerleri 42 jastaǵy turǵynnyń quqyqtyq mártebesin anyqtap, oǵan Qazaqstan Respýblıkasy azamatynyń jeke kýáligin alýyna kómek kórsetti.
Azamat ómir boıy jeke basyn kýálandyratyn qujatsyz júrgen. Qujattarynyń jáne turaqty turǵylyqty mekenjaıynyń bolmaýyna baılanysty ol uzaq jyldar boıy qıyn áleýmettik jaǵdaıda ómir súrip, azamattyq quqyqtaryn tolyq paıdalana almaǵan.
Qordaı aýdanyna kóship kelgennen keıin shalǵaı taýly aımaqta malshy bolyp jumys istegen.
Polısııa qyzmetkerleri aldymen onyń jeke basyn anyqtaý jumystaryn júrgizip, qajetti málimetterdi qalpyna keltirý, qujattaryn rásimdeý, arhıvtik derekterdi jınaý jáne jeke málimetterin tekserý boıynsha tıisti suranystar joldady. Nátıjesinde qajetti qujattardyń tolyq toptamasy daıyndaldy.
Barlyq kezeńde azamatqa quqyqtyq keńes berilip, praktıkalyq kómek kórsetildi.
Júrgizilgen jumystardyń nátıjesinde 20 mamyrda azamat alǵash ret Qazaqstan Respýblıkasy azamatynyń jeke kýáligin aldy.
Ol Qordaı aýdandyq polısııa bóliminiń basshylyǵy men qyzmetkerlerine, sondaı-aq «Aıala» otbasyn qoldaý ortalyǵyna alǵys bildirip, kórsetilgen kómek onyń ómirindegi jańa kezeńniń bastalýyna sebep bolǵanyn aıtty.
