Foto: Polisia.kz
Atyraý oblysynda brakonerlik pen balyq ónimderiniń zańsyz aınalymynyń jolyn kesýge, sondaı-aq Kaspıı óńiriniń bıoresýrstaryn qorǵaýǵa baǵyttalǵan «Bekire–2026» jedel-profılaktıkalyq is-sharasy turaqty túrde ótkizilip keledi.
Jýyrda polısııa qyzmetkerleri zańsyz aınalymnan 4 tonnadan astam balyq ónimin tárkiledi. Onyń ishinde 911 keliden astam bekire tuqymdas balyq jáne shamamen 1 keli bekire ýyldyryǵy bar.
Atyraý oblysynda brakonerlerden 6 tonnadan astam balyq tárkilendi
Tárkilengen ónimniń barlyǵy «Oral-Atyraý bekire balyq ósirý zaýytyna» tapsyryldy.
JPISh bastalǵaly zańsyz balyq aýlaý, saqtaý, tasymaldaý jáne balyq ónimderin ótkizýge qatysty 152 quqyq buzýshylyq anyqtaldy. Jeti qylmystyq is boıynsha sotqa deıingi tergep-tekserý amaldary júrgizilip jatyr.
Sonymen qatar zańsyz aýlaýǵa arnalǵan 19 qural men quqyqqa qaıshy áreketterde paıdalanylmaq bolǵan 10 júzý quraly tárkilendi.
Aqtaýda 40 keli qyzyl balyqty zańsyz tasymaldaǵan kúdikti ustaldy
Budan bólek, polısııa ýákiletti organdarmen birlesip turǵyndar men balyq sharýashylyǵy sýbektileriniń ókilderi arasynda profılaktıkalyq jáne túsindirý jumystaryn júrgizýde. Azamattarǵa tabıǵatty qorǵaý zańnamasynyń talaptary men balyq ónimderin zańsyz aýlaý jáne aınalymǵa jiberý úshin qarastyrylǵan jaýapkershilik týraly aqparat berildi.
Polısııa bul baǵyttaǵy jumystar júıeli túrde jalǵasatynyn atap ótti. Negizgi maqsat — ekologııalyq qylmystardyń aldyn alý jáne eldiń tabıǵı resýrstaryn saqtaý.
Aqmola oblysynda zańsyz balyq aýlaǵan eki turǵyn sottaldy
Sondaı-aq azamattardy qorshaǵan ortaǵa uqypty qaraýǵa jáne balyqty zańsyz aýlaý men aınalymǵa jiberý derekteri týraly quqyq qorǵaý organdaryna jedel habarlaýǵa shaqyrdy.
Atyraý oblysynda buǵan deıin de brakonerlerden 6 tonnadan astam balyq tárkilendi.
