Foto: Astana ákimdigi
«Elordamyzdy kógaldandyrý jáne kórkeıtý jumysyn aýqymdy júrgizip jatyrmyz. Bıyl 170-ten astam aýla men qoǵamdyq oryndy (saıabaqtar, gúlzarlar, jelekjoldar) abattandyramyz. Sondaı-aq, bıyl 1,1 mıllıonnan astam jasyl jelek (kóshetter, butalar, aǵashtar) otyrǵyzamyz», dep jazdy qala ákimi.
Jeńis Qasymbektiń aıtýynsha, abattandyrý jumysy Astananyń barlyq aýdanyn qamtıdy.
«Qalanyń mańyzdy jobalarynyń biri – kishi Taldykóldegi ekopark. Abattandyrý jumysy kezeń-kezeńimen júrgiziledi. Qazirgi ýaqytta aýmaqta daıyndyq jáne ınjenerlik jumys bastaldy. Joba aıasynda sý qoımasynyń jekelegen ýchaskelerin tazartý, túbin tereńdetý jumysy, aýmaqty daıyndaý jáne bolashaq ekoparktiń bazalyq ınfraqurylymyn qalyptastyrý jumysy júrip jatyr», dedi Jeńis Qasymbek.
Bıyl mynadaı is-sharalar josparlanyp otyr:
- súzgi júıesi bar tehnıkalyq bólmelerdiń qurylysy;
- akvatorııada sý deńgeıin saqtaý úshin uńǵymalardy iske qosý;
- alǵashqy serýendeý baǵyttaryn qurý;
- aýmaqty aýqymdy kógaldandyrýdy bastaý.
«Osy kúzde aǵashtar men jasyl jelekter otyrǵyzýdyń birinshi kezeńi bastalady. Jumys tabıǵı ortany jáne qoldanystaǵy landshafty barynsha saqtaı otyryp júrgiziletin bolady», dedi qala ákimi.
Kelesi jyly josparlanyp otyrǵan is-sharalar:
- serýendeý baǵyttary men ekologııalyq jaıaý joldardy aıaqtaý;
- ýaqytty tynyshtyqta ótkizýge arnalǵan oryndar ashý;
- aýqymdy kógaldandyrý;
- aýmaqtyń tabıǵı ekojúıesin qorǵaý jáne saqtaý boıynsha sheshimderdi júzege asyrý.
«Jobanyń negizgi mindeti – qala irgesinde tabıǵatqa jáne bıoalýantúrlilikke zııan keltirmeı, ýaqytty tıimdi ótkizýge arnalǵan tabıǵı keńistik qurý», dep jazdy Jeńis Qasymbek.
Aıta keteıik, bıyl Astanada 173-ke jýyq qoǵamdyq jáne aýla keńistigin abattandyrý, sondaı-aq 1,1 mıllıonnan astam jasyl jelek (kóshetter, butalar, gúlder men aǵashtar) otyrǵyzý josparlanyp otyr.
