Foto: gov.kz
Týrızm jáne sport mınıstrliginiń málimetinshe, nysandy 2027 jyldyń mamyr aıynda paıdalanýǵa berý josparlanǵan.
MJÁ mehanızmine sáıkes, jeke áriptes jobalaýdan bastap qurylysqa deıingi jumystardy jáne nysandy paıdalanýǵa berilgennen keıingi 5 jyl boıy ony kútip-ustaý qyzmetterin júzege asyrady. Joba aıasynda zamanaýı oqý ǵımarattary men jaıly jataqhana qarastyrylǵan. 3,2 gektar aýmaqta 400 oryndyq oqý blogy, 300 oryndyq jataqhana, 13 sport zaly, basseın, ashana, kitaphana, stadıon, júgirý jolaqtary, sondaı-aq basketbol jáne voleıbol alańdary boı kóteredi.
Qazir elimizde 16 oblystyq mamandandyrylǵan mektep-ınternat jáne 4 respýblıkalyq mektep-kolledj-ınternat jumys isteıdi. Atalǵan mekemelerde 6 431 sportshy bilim alady. Alaıda Astana jáne Shymkent qalalarynda, sondaı-aq Abaı, Ulytaý jáne Qostanaı oblystarynda mundaı mekemeler joq. Sondyqtan Atyraý oblysyndaǵy bul joba pılottyq rejımde iske asyrylyp, keıinnen ózge óńirlerge de júzege asyrý josparlanyp otyr.
Atyraýdaǵy jańa keshende 13 olımpıadalyq sport túri boıynsha 400 sportshyny (300 oqýshy jáne 100 kolledj stýdenti) daıarlaý kózdelgen.
Mektep-ınternat-kolledjiniń qurylysy sport rezervin daıarlaýǵa qolaıly jaǵdaı jasap, oqý men jattyǵýdy tıimdi ushtastyrýǵa múmkindik beredi. Sonymen qatar elimizde balalar men jasóspirimder sportyn damytýǵa aıtarlyqtaı serpin beredi.
