Foto: middleeasteye.net
Bıyl qajylyq sapary 15 mamyr men 5 maýsym aralyǵynda ótedi. QMDB málimetinshe, maýsym kezinde qajylardy tasymaldaý jumystaryn konkýrstyq negizde Air Astana jáne SCAT, sondaı-aq saýdııalyq Flyadeal áýekompanııalary júzege asyrady. Almaty, Astana jáne Shymkent qalalarynan shyqqan reıster tikeleı Djıdda men Mádına qalalaryna baǵyttalady. Qajylardyń elge qaıtý sapary da osy eki qaladan kezeń-kezeńimen josparlanǵan. Osylaısha, qajylyq maýsymyn otandastarymyz úshin barynsha qolaıly, qaýipsiz jáne joǵary deńgeıde uıymdastyrý kózdelip otyr.
Sondaı-aq jıyn barysynda qajylardyń Qazaqstan aýmaǵynan tıisti týrkodpen shyǵýy, vaksınasııa máselesi, qajylyq barysynda Saýd Arabııasynyń zańdaryn oryndaý, Qazaqstandyq kvotamen shetel azamattaryn aparmaý máselesi de talqylandy. Atalǵan máselelerge qatysty qajylyqty uıymdastyrýǵa ruqsat alǵan otandyq 14 týroperator ókilderi usynystary men suraqtaryn ortaǵa saldy.
