Mınıstrdiń aıtýynsha, bıyl Qazaqstan Respýblıkasynda 2011-2020 jyldarǵa arnalǵan Tilderdi damytý men qoldanýdyń memlekettik baǵdarlamasyn 2014 jyldan 2016 jylǵa deıingi kezeńde júzege asyrýdyń tıimdiligin baǵalaý júrgizilgen. Jalpy, sońǵy 3 jyl ishinde Memlekettik baǵdarlamany júzege asyrý qorytyndylary ortasha tıimdiligin kórsetti. Balldyq júıe boıynsha múmkin bolatyn 4 balldan 2,66 ballmen baǵalandy.
3 krıterıı boıynsha baǵalaýlar birshama joǵary boldy. Maqsatty ındıkatorlar men nátıjeler kórsetkishterine qol jetkizý dárejesi 88% qurady.
T. Súleımenov atap ótkendeı, Mádenıet jáne sport mınıstrliginiń esebine sáıkes, sońǵy 3 jylda Memlekettik baǵdarlamany júzege asyrýǵa 16,7 mlrd teńge baǵyttaldy, onyń ishinde 14,9 mlrd teńgesi nemese 89,3% ıgerildi.
Ekonomıkalyq zertteý ınstıtýty Qazaqstan Respýblıkasynda 2011-2020 jyldarǵa arnalǵan Tilderdi damytý men qoldanýdyń memlekettik baǵdarlamasynyń júzege asyrý barysy men turǵyndardyń qanaǵattaný deńgeıin anyqtaý boıynsha saýalnama júrgizdi. Saýalnama nátıjeleri kórsetkendeı, suralǵandardyń 85% Memlekettik baǵdarlama týraly habardar. Saýalnamaǵa qatysýshylardyń jartysynan kóbi memlekettik tildi turaqty qoldanady, basym bóligi (63,7) sońǵy kezde til mádenıeti jaqsardy dep sanaıdy, ıaǵnı, adamdardyń til bilimderin, biliktilikterin, daǵdylaryn, shyǵarmashylyq qabiletterin damytý deńgeıi artqan. Suralǵandardyń jartysynyń memlekettik tildi oqytý boıynsha oqý-ádistemelik ádebıetterdiń sapasyna kóńilderi tolady.
Memlekettik baǵdarlamany odan ári júzege asyrý aıasynda T. Súleımenov turǵyndarmen memlekettik tilge oqytýdyń qolda bar múmkindikteri týraly aqparattyq-túsindirý jumystaryn júrgizýdi, ınternet pen televıdenıeniń áleýetin barynsha paıdalanýdy, jeke sektordy halyqty memlekettik jáne basqa da tilderge oqytý boıynsha sharalarǵa belsene tartýdy, sonymen qatar Memlekettik baǵdarlamada Qazaqstanda úsh tildilikti damytýdy kúsheıtý boıynsha sharalardy qarastyrýdy usyndy.
