Saýd Arabııasynyń Syrtqy ister mınıstrliginde ótken kezdesý barysynda Q.Ábdirahmanov «Elbasy Nursultan Nazarbaevtyń 2016 jylǵy 24-25 qazandaǵy Er-Rııadqa resmı sapary ekijaqty qarym-qatynastardyń jańa kezeńine jol ashty, bolashaqta qarym-qatynastarymyz damyp, nyǵaıa túsetindigine kámil senemiz», – dep aıryqsha atap ótti. Osyǵan oraı, mınıstr áriptesterimen joǵary deńgeıde qol jetkizilgen kelisimderdiń iske asyrylý jaıyn talqylady.
Qazaqstan tarapy Birikken Ulttar Uıymy, Islam Yntymaqtastyǵy Uıymy jáne basqa da halyqaralyq, sondaı-aq óńirlik uıymdar sheńberindegi Er-Rııadpen yntymaqtastyǵyn joǵary baǵalaıdy, sonymen qatar, Astana qalasynda shtab-páteri ornalasqan Azyq-túlik qaýipsizdigi jónindegi ıslam uıymyn qurýǵa Saýd Arabııasynyń qoldaý kórsetkeni úshin alǵys bildiredi.
Qazaqstan Syrtqy ister mınıstri Saýd Arabııasy tarapyn BUU Qaýipsizdik Keńesi aıasyndaǵy elimizdiń qyzmeti, Astana prosesiniń úlesi týraly habardar etti. Osyǵan baılanysty, kelissózder barysynda Er-Rııadtyń Sırııa daǵdarysyn retteý prosesinde osy saladaǵy jaǵdaıǵa yqpal etetin kúsh retinde mańyzdy úlesi talqylandy. Taraptardyń ortaq pikirinshe, Sırııadaǵy qaqtyǵys jáne ony qarýly kúshpen sheshý áreketteriniń odan ári jalǵasýy barsha úshin jeńiliske ákeletin nátıjesiz jol bolyp tabylady.
Osy oraıda, mınıstr 2016 jyly sáýirde ótken Islam Yntymaqtastyǵy Uıymynyń Ystanbuldaǵy sammıtinde Saýd Arabııasy tarapynan qoldaýǵa ıe bolǵan «Islam álemindegi tatýlasý» jónindegi Qazaqstan Prezıdenti Nursultan Nazarbaev pen Túrkııa Prezıdenti Rejep Erdoǵannyń birlesken bastamasynyń mańyzdylyǵyn atady.
Ekijaqty saýda-ınvestısııalyq yntymaqtastyq máselelerin talqylaý kezinde ony jandandyrý úshin eń perspektıvaly salalar retinde munaı hımııasy, atom energııasyn beıbit maqsatta paıdalaný, aýyl sharýashylyǵy, ınfraqurylymdyq jobalar kóldeneń tartyldy. Bul baǵyttar 2016-2017 jyldarǵy Qazaqstan men Saýd Arabııasy arasyndaǵy yntymaqtastyqtyń jumys baǵdarlamasynda kórsetilgen. Qazirgi ýaqytta Astanada osy jyldyń ekinshi jartysynda ótedi dep josparlanǵan Yntymaqtastyq jónindegi úkimetaralyq komıssııanyń 5-shi otyrysyna daıyndyq jumystary júrgizilýde.
Er-Rııad aýyl sharýashylyǵy sektoryna, atap aıtqanda, Qazaqstannan et ónimderin jetkizýge múddeli ekendikterin bildirdi. Sonymen qatar, Ońtústik Qazaqstan oblysynda Saýdııa ınvestorlarynyń qatysýymen jańa qus fabrıkasyn satyp alý iri jobasy júzege asyrylýda.
Mınıstr Saýdııa tarapyna
EKSPO-2017 kórmesine qatysatyny úshin alǵys aıtyp, Koroldik pavılony kórmeniń eń iri jáne eń qyzyqty pavılondarynyń biri bolatyndyǵyna senim bildirdi. «Saýd Arabııasynyń bıznes-qaýymdastyqtary álemdik deńgeıdegi osy mańyzdy is-sharaǵa belsendi túrde qatysady dep úmittenemiz», – dedi ol.
Er-Rııadtaǵy mınıstrler kezdesýi dástúrli túrde dostyq pen ózara senim ahýalynda ótti jáne Qazaqstannyń musylman álemindegi atalǵan mańyzdy elmen qarym-qatynastaryn odan ári nyǵaıtýǵa septesetini sózsiz.
Q.Ábdirahmanovtyń Saýd Arabııasy men Kýveıt elderine jumys sapary jalǵasýda.
