Kópbalaly otbasylar járdemaqyny qalaı alady?

Búginde kópbalaly otbasy­larǵa járdemaqy taǵaıyn­­daý júıesi avtomat­tan­dyrylǵan. Qyzmetti proaktıvti formatta da alýǵa bolady. Mysaly, úıde 4 bala bar, anasy besinshi perzentin dúnıege ákeldi delik. Jańa týǵan ba­lanyń JSN-i tirkelgen kúni anasynyń smartfonyna SMS habarlama keledi. Onda bala týý boıynsha balanyń 1,5 jasqa deıingi kútimine kópbalaly otbasy retinde járdemaqynyń úsh túri taǵaıyndalatyny kórsetiledi. Eger osy SMS-ke kópbalaly ana 3 kún ishinde jaýap berse, onda tólemder avtomatty túrde taǵaıyndalady. Osy­laısha, áýeli járdemaqy ta­ǵaıyndaýǵa qyzmet alý­shynyń proaktıvti qyz­met kórsetýge kelisimi qa­jet. Sosyn uıaly baılanys abonenttik qurylǵysy arqy­ly banktik shot nómirin rastaýy nemese usynýǵa tıis. Sonda járdemaqy men basqa da tólemder bir shotqa túsedi.

Eger SMS-ke qandaı da bir sebeptermen jaýap berilmese, onda ekinshi deńgeıli birneshe bankten nemese halyqqa qyzmet kór­setý ortalyǵynan ótinish berýge bolady. Qyzmet «elektrondyq úkimet» veb-por­talynda da qoljetimdi. Bul rette elektrondyq óti­nish nysany toltyrylady. Al balalar týraly, neke qııý (buzý), qorǵanshylyq (qamqorshylyq), týý týraly akt jazbasynan asyrap alý týraly málimetter tıisti memlekettik aqparattyq júıe­lerden avtomatty túr­de alynady. О́tinish berý­shi tek banktik shot derek­­terin kórsetip, ótinishti ESQ arqyly rastaıdy. Eger onlaın qyzmetti paıdalaný múmkindigi bolmasa, ótinish­ti «Azamattarǵa arnalǵan úkimet» memlekettik kor­po­rasııasynyń bólim­sheleri arqyly da berýge bolady. Bul jaǵdaıda jeke basyn kýálandyratyn qujat nemese sıfrlyq qujattar servısinen alynǵan elektrondy qujat usynylady. Eskeretin jaıt, ata-ana jár­demaqy týraly habarlamany jaýapsyz qal­dyryp, bir aıǵa deıin ótinish toltyrmasa, onda ótken aıyna kópbalaly ana retinde járdemaqy ala almaıdy. Iаǵnı kópbalaly otbasylarǵa jár­demaqy óti­nish­ti tapsyrǵan sátten ta­ǵaıyn­dalyp, tóle­nedi. Bul rette otbasylar úshin eń durysy ári tıimdisi – SMS-habarlamaǵa der kezinde jaýap berip, járdemaqyny ýaqy­tynda alý.