Ulandyqtar Gennadıı Golovkındi erekshe formatta quttyqtady

1 mın

oqý úshin

Aty ańyzǵa aınalǵan kásipqoı boksshy, Olımpıada oıyndarynyń kúmis júldegeri jáne orta salmaqtaǵy burynǵy álem chempıony Gennadıı Golovkın AQSh-tyń Nıý-Iork shtatyndaǵy Kanastota qalasynda ornalasqan Halyqaralyq boks dańqy zalyna (International Boxing Hall of Fame, IBHOF) resmı túrde qabyldandy. IIM Ulttyq ulanynyń áskerı qyzmetshileri áıgili boksshynyń osy jetistigin atap ótý maqsatynda patrıottyq aksııa uıymdastyrdy. Is-shara barysynda ulandyqtar saptyq alańda sportshynyń álemge tanymal «GGG» belgisin beınelep, onyń Qazaqstan sportyna qosqan úlesine qurmet kórsetti, dep habarlaıdy Egemen.kz.

Baıan SÚLEIMENQYZY

Ulandyqtar Gennadıı Golovkındi erekshe formatta quttyqtady

Saltanatty is-sharanyń kórkin Ulttyq ulannyń Úlgili-kórsetimdi orkestri asha tústi. Áskerı mýzykanttar Golovkınniń jekpe-jekter aldyndaǵy dástúrli ánine aınalǵan Seven Nation Army týyndysyn oryndady.

Qurmet qaraýyly rotasynyń áskerı qyzmetshileri de joǵary saptyq sheberlikterin kórsetip, aksııanyń áserin kúsheıtti.

Ulttyq ulan ókilderiniń aıtýynsha, Gennadıı Golovkınniń tabandylyǵy men sporttaǵy jetistikteri jastarǵa úlgi. Onyń esimi endi Muhammed Álı, Maık Taıson, Floıd Meıvezer jáne Mennı Pakıao sekildi álemdik boks ańyzdarymen qatar atalady.

Aıta keteıik, Golovkın áýesqoı boksta 350 jekpe-jektiń 345-inde jeńiske jetip, Qazaqstan quramasynyń kóshbasshylarynyń biri boldy. Keıin kásibı rıngte de joǵary nátıjeler kórsetip, eldiń sporttaǵy abyroıyn álemdik deńgeıde tanytty.

Eske salaıyq, 15 maýsymda Gennadıı Golovkın el tarıhynda alǵash ret Halyqaralyq boks Dańq zalyna qabyldanǵan sportshy atandy. Keıin Golovkın Halyqaralyq boks Dańq zalyna qabyldanýyna qatysty pikir bildirdi.