Foto: istockphoto.com
CEOWORLD halyqaralyq onlaın-analıtıkalyq portaldyń zertteýine sáıkes, elimiz TMD elderiniń birshamasyn, sondaı-aq Úndistan, Grýzııa, Moldova, Ýkraına, Indonezııa men Túrkııa sııaqty memleketterdi basyp ozǵan.
Atalǵan reıtıng esepteýlerinde barlyq salyqtar men mindetti tólemder ustalǵannan keıingi ortasha jalaqy deńgeıi negizge alynǵan.
Zertteý nátıjesinde eń joǵary ortasha aılyq jalaqy Shveısarııada tirkelgen. Onda bul kórsetkish 8 218 dollardy quraǵan. Odan keıin Lıýksembýrg pen AQSh ornalasqan.
Sondaı-aq alǵashqy ondyqqa Islandııa, Norvegııa, Danııa, Kanada, Irlandııa, Nıderland jáne Sıngapýr kirgen.
Qazaqstanda qandaı áskerı qyzmetshilerge úsh ese jalaqy beriledi?
Al TMD elderi ishinde birinshi oryndy Reseı ıelenip, álemdik reıtıngte 32-orynǵa turaqtaǵan. Munda ortasha jalaqy kólemi 2 266 dollardy quraǵan. Qazaqstan bul kórsetkish boıynsha ekinshi orynda tur. Elimizdiń ortasha taza aılyq tabys 780 dollar deńgeıinde kórsetilgen. Odan keıin Belarýs, Armenııa, Ázerbaıjan, О́zbekstan, Qyrǵyzstan men Tájikstan ornalasqan.
Zertteý boıynsha eń tómen ortasha jalaqy Palestınada tirkelgen. Sondaı-aq Lesoto, Angola, Malavı men Malı, Soltústik Koreıa elderinde de tabys deńgeıi tómen ekeni baıqalǵan.
Eske sala keteıik, buǵan deıin Ulttyq ekonomıka mınıstriniń birinshi orynbasary Azamat Ámrın úsh jylda elimizde bıýdjet salasyndaǵy 1,2 mln azamattyń jalaqysy óskendigin málimdegen edi.
