Foto: Reuters
Sońǵy málimetterge sáıkes, elde aýrý juqtyrýdyń rastalǵan jaǵdaılary 896-ǵa jetken. Tek sońǵy táýliktiń ózinde 21 jańa jaǵdaı tirkelip, 6 adam kóz jumǵan.
Kongonyń densaýlyq saqtaý organdary aýrý juqtyrý kórsetkishi apta saıyn ósip kele jatqanyn málimdedi. Bılik ókilderi der kezinde tıimdi sharalar qabyldanbasa, indet eldiń ózge óńirlerine de tez taralýy múmkin ekenin eskertti.
Qazirgi tańda indetpen kúreske medısınalyq qorǵanys quraldarynyń, zerthanalyq testterdiń, qaýipsiz jerleýge qajetti jabdyqtardyń jetispeýi kedergi keltirip otyr.
Kongoda Ebola indeti órship barady: naýqastar sany 808-ge jetti
Dúnıejúzilik densaýlyq saqtaý uıymynyń málimetinshe, ázirge Ebola indetiniń Kongo aýmaǵynan tys jerlerge taralý qaýpi tómen. Soǵan qaramastan, indet halyqaralyq deńgeıdegi tótenshe jaǵdaı retinde tanylǵan.
Eske sala keteıik, 14 maýsymdaǵy derek boıynsha Ebola indetinen qaza tapqandar sany 149 adam bolǵan edi. Dúnıejúzilik densaýlyq saqtaý uıymy kún sanap órship bara jatqan vırýspen kúreske 518 mln dollar bólgen bolatyn.
