Foto: istockphoto.com
Vıse-mınıstrdiń aıtýynsha, bul sheshim jylytý maýsymynan keıingi gaz ınfraqurylymyn jańartý qajettiligine baılanysty qabyldanǵan.
«О́zgeris tek kóterme baǵalarǵa qatysty bolyp otyr. Bul baǵytta ortasha ósim 33 paıyzdy quraıdy, óńirler boıynsha naqty bólinisi bar. Bul salany ınvestısııalyq turǵydan tartymdy etýimiz kerek», dedi ol.
Qashaǵanda qýattylyǵy 2,5 mlrd tekshe metr bolatyn gaz óńdeý zaýyty salynady
Vıse-mınıstr gaz baǵasyn kóterý ınflıasııalyq jáne ekonomıkalyq faktorlarmen de baılanysty ekenin atap ótti. Sonymen qatar mınıstrlik ókili kóterme baǵanyń ósýi tarıfterdiń birden qymbattaýyna ákelmeıtinin aıtty.
«Turǵyndar úshin qandaı da bir kúrt ósim kútilmeıdi. Bul másele mınıstrliktiń baqylaýynda», dedi Qaıyrhan Tutqyshbaev.
Aıta keteıik, buǵan deıin Ulttyq ekonomıka vıse-premeri Serik Jumanǵarın elde jylý men sý tarıfteriniń ósýinen keıin gaz jáne temirjol tasymaly baǵalary da qymbattaıtynyn habarlaǵan edi.
