Avtobýstarǵa arnalǵan jolaqtar myna ýchaskelerde paıda bolady:
1) Respýblıka dańǵylynda «Samal» shaǵyn aýdany aıaldamasynan Bógenbaı batyr dańǵylyna deıin;
2) Tashenov kóshesinde Baraev kóshesinen Táýelsizdik dańǵylyna deıin;
3) Ahmet Baıtursynuly kóshesinde Qoshkarbaev dańǵylynan Sarykól kóshesine deıin;
- Ahmet Baıtursynuly kóshesinde Sarykól kóshesinen jańa Temirjol vokzalyna deıin;
4) Jumeken Nájimedenov kóshesinde Sh. Qaldaıakov kóshesinen Sarykól kóshesine deıin;
- Jumeken Nájimedenov kóshesinde Sarykól kóshesinen jańa Temirjol vokzalyna deıin;
5) Saraıshyq kóshesinde jolaıyryqtan Qabanbaı batyr dańǵylyna deıin;
6) Táýelsizdik dańǵylynda Pýshkın kóshesinen Momyshuly dańǵylyna deıin;
7) Saryarqa dańǵylynda Bógenbaı batyr dańǵylynan kópirge deıin;
8) Turan dańǵylynda kópirden Syǵanaq kóshesine deıin;
9) Qabanbaı batyr dańǵylynda Syǵanaq kóshesinen aınalma jolaıyryǵyna deıin;
10) Beıbitshilik kóshesinde Esenberlın kóshesinen Bógenbaı batyr dańǵylyna deıin;
11) Maǵjan Jumabaev dańǵylynda Qajymukan kóshesinen Qoshkarbaev dańǵylyna deıin;
12) Orynbor kóshesinde Sh. Aıtmatov kóshesinen Turan dańǵylyna deıin.
Astana ýchaskelerindegi qoǵamdyq kólikke bólingen jolaqtardyń jalpy qashyqtyǵy 40,6 shaqyrymdy quraıdy.
Mamandardyń tujyrymyna sáıkes, bul joba qoǵamdyq kólikterdiń júris kestesin retteýge, keste boıynsha buzýshylyqtar sanyn tómendetýge, avtobýs júrgizýshileriniń tártibin jaqsartýǵa, júris qaýipsizdigin arttyrýǵa múmkindik beredi.
Aıta keteıik, buǵan deıin Bus lane jobasynyń 3 kezeńi iske asyryldy. Sonyń arqasynda qoǵamdyq kóliktiń ortasha jyldamdyǵy 12-15 %-ǵa artty.
