Gıpsten baılyq quraǵan

KNAÝF – otbasylyq bıznestiń úzdik úlgisi negizinde qu­rylǵan halyqaralyq kompanııa. О́z qyzmeti aýqymynyń kó­lemine qaramastan ol osynaý basty qundylyqtaryn múltiksiz saqtap keledi. Búginde KNAÝF qurylys materıaldaryn ón­di­rý­shi­lerdiń álemdegi eń iri halyqaralyq tobynyń birinen sanalady. Olar ınvestısııalyq qyz­me­tin 1993 jyly Reseıde bas­ta­ǵan bolatyn. Sodan keıin qu­lashyn keń jaıyp Ýkraınada, Moldovada, Qazaqstanda, О́z­bek­stan men Ázirbaıjanda ká­sip­oryndar asha bastady. Marketıng qyzmetin TMD elde­ri­niń bárinde derlik óristete tústi. TMD elderindegi kásip­oryn­dardyń bári qazirgi za­man­ǵy qural-jabdyqtarmen ja­raq­tan­ǵan, halyqaralyq top­tyń ón­di­ris tehnologııasy da bar­lyq jerde birtekti. Shy­ǵa­ratyn ónim­deriniń sapasy asa joǵary, sol oraıda sapa stan­darty Ger­manııadaǵy kásip­oryn­darda da, TMD elderindegi kásiporyn­dar­da da birdeı. Qur­ǵaq qurylys júıesi ból­me­aralyq qurylym­dardy turǵyzý, qabyrǵalar men edenderdi qap­syrý kezinde keńinen paıdalanylady. Qapshaǵaı óńirindegi Zarech­nyı aýylynyń soltústik qap­ta­lyna qonystanǵan «Knaýf gıps» kásipornynyń ataǵy qazir Qa­zaqstannan tys aımaqtarǵa da keńinen jaıylyp, Ortalyq Azııa memleketteriniń birqataryna óz ónimderimen tanymal. Uzyndyǵy – 2,5, eni 1,2 metr, qalyńdyǵy 9,5 jáne 12,5 mıllımetr bolatyn gıpsti karton taqtalar konveıerli tásilmen shyǵarylady. Úlken býmaly qońyrqaı tústi qaǵazdyń birqalypty jazylyp, asty-ús­tine qoıý kilegeıdeı quıylyp tur­ǵan gıps eritindisin áp-sátte qaýsyryp alyp, jol-jónekeı qat­qyldanyp qalyptan shyqqan quı­madaı kúıge túsetinin tama­sha­laýdyń ózi bir ǵanıbet. Munda bir aýysym jumys barysynda 90 myń sharshy metr daıyn ónimder shyǵarylady. Tıisti maqsattarǵa saı avtomattandyrylǵan jab­dyq­tardyń tetigin basyp, jalpy jumys josyǵyn qadaǵalap tu­ra­tyndar sonshalyqty kóp emes, bir aýysymda 15-aq adam bárine úlgerip turady. Al, kásip­oryn­nyń ózinde jumys isteıtinderdiń jalpy sany 250 adamǵa jetedi. Bas dırektory Aleksandr Efımenko deıtin azamat kóp jyl­dardan beri uıymdastyrýshylyq qabiletimen kópshilikke tanymal bolǵan bıznes ókilderiniń biri. Irgeli kásiporynnyń negizgi ónimi kartondy gıps taqtalar bol­ǵanymen, qurylysqa arnap qo­symsha shyǵaratyn qurǵaq qos­palary taǵy bar. Sylaqqa, qa­byr­ǵa sańylaýlaryn biteýge, ák­teýge qajetti qurǵaq un­taq­tar, quıma edenderdi, sý jáne syz ótkizbeıtin qorǵanysh jasaý kezinde kádege asatyn túrli kom­ponentter osy óndiris or­nynda daıyndalady. Olar jáne asa qarapaıym, qolje­tim­di materıal bolǵandyqtan jappaı suranysqa ıe jáne baǵasy da tutynýshy qaltasyna ár­daıym shaq kelip turady. Sodan da bolar, «Knaýf gıps-Qapshaǵaı» dep atalatyn bul kásiporynnyń ónimderine degen suranys esh báseńdegen emes. Kúmisjan BAIJAN, Almaty oblysy.