«Astana Taxi jobasy – bıznes pen memlekettiń ózara áriptestiginiń aıqyn mysaly, jobany iske asyrý úshin bıýdjetten shyǵyn shyqqan joq. Bastama bizdiń jaqtan boldy. Biz barlyq preferensııalardy, resýrstardy paıdalana otyryp, zańdastyrylǵan jeke-jeke taksı-kompanııalaryn biriktirdik, olar qaýymdastyq quryp, biryńǵaı negizde qyzmet kórsetetin «Astana Taxi» servısin qurdy, bul kólikterdiń syrtqy kórinisi birdeı, aqysy postermınal arqyly tólenedi, biryńǵaı tarıf. Eger «Eko» nemese «Jebe» taksı operatorlarynda sapar úshin eń tómengi baǵa 750 teńge bolsa, qazir tómengi somasy 500 teńgeni quraıdy», - dep málim etti Astana q. ákiminiń orynbasary Malıka Bekturova.
Jobanyń maqsaty zańdy avtotasymaldaýshylardyń sanyn arttyrý arqyly halyqtyń júrip-turýy qaýipsizdigin qamtamasyz etý.
Búgingi kúni joba aıasynda qosymsha 200 dana avtomobıldi iske qosýǵa baılanysty daıyndyq jumystary júrip jatyr. Sondaı-aq, EKSPO kórmesiniń qarsańynda qala joldaryna taǵy 300 jańa avtokólik pen qoldanystaǵy taksomotorly kompanııalardyń 300 kóligi shyǵady. Barlyq avtokólikter bir stılde bezendiriledi.
Jańa resmı taksı qyzmetiniń taǵy bir artyqshylyǵy - Bus Lane syzyǵymen júrý múmkindigi, sondaı-aq, olarǵa iri SOSO, temirjol vokzalynyń, áýejaıdyń aldynda qosymsha turaq oryndary bólinedi, ıaǵnı, ákimdik tarapynan jan-jaqty qoldaý. Bul preferensııalar men memlekettik qoldaý quraldary taksomotorlyq kompanııalarǵa senimdilik beredi, bıznesti damytýǵa jaǵdaı jasaıdy, dedi Malıka Bekturova.
Baǵdarlamanyń barlyq qatysýshylary elorda ákimdigimen kelisimge qol qoıǵan, onda júrgizýshilerdi oqytý boıynsha mindettemeler, avtokóliktiń syrtqy túri, tehnıkalyq jaǵdaıy, biryńǵaı tarıfıkasııa boıynsha zań talaptaryn saqtaý boıynsha mindettemeler jazylǵan.
Memleket basshysynyń otandyq avtokólik ónerkásibin qoldaý jáne Astana, Almaty qalalarynda, basqa óńirlerde birdeı taksı qyzmetin qurý týraly hattamalyq tapsyrmasyna sáıkes, avtokólikter Qazaqstanda qurastyrylady.
«Elorda ákimdigi Memleket basshysynyń tapsyrmalaryn oryndaýdyń tıimdi tetigin tapty. Onyń sheńberinde «Damý» qory jeńildikti nesıeleý berdi. «Azııa Avto» AQ jeńildikti sharttarmen tartymdy baǵamen yńǵaıly avtokólik usyndy. Osyndaı birlesken sharalardyń nátıjesinde zamanaýı taksı qyzmeti quryldy. Bizdiń kompanııa О́skemende sapaly kólik qurastyrýmen aınalysady. О́ndiris 2009 jyly iske qosylǵan. Bizde mýltıbrendtik jeli qalyptasqan, atap aıtatyn bolsaq, «Kıa», «Shevrole», «Shkoda» jáne «Lada». Búgingi kúni bul Qazaqstanda qurastyrylatyn eń aýqymdy modelder qatary», - dep málim etti «BıpekAvto» kompanııalar tobynyń kommersııalyq dırektory Sanjar Ájiǵalıev.
Jobanyń ekinshi kezeńi jáne qosymsha servıster Astanada qyrkúıek aıyna deıin iske qosylady, jelige 300 qosymsha taksı kóligi shyǵady. Jolaýshylar úshin taksı salonynda «tegin Wi-Fi» qyzmeti usynylady. Jańa taksı qyzmeti elorda turǵyndary men qonaqtaryna birqatar artyqshylyqtar beredi. Atap aıtqanda, qalalyq jáne mobıldi baılanys arqyly 15 800 nómiri arqyly qosylýǵa múmkindik beretin biryńǵaı Call Center. Barlyq avtokólikter bir stılde bezendiriledi. Taksı shaqyrý úshin yńǵaıly ASTANA TAXI qosymshasy. Árbir taksıde taksometrdiń bolýy. Kartochkamen tóleý jasaý úshin POStermınaldyń bolýy.
