Keshe...

...jyljymaly emhana Tomarlyǵa keldi Aýyldaǵy turǵynnyń bári bir­deı qaladaǵy dárigerlerge kó­rinýge bara almaıdy. Ásirese, qa­ladaǵy emdeý oryndaryna qa­ty­naý úlkenderge qıyn. Mine, os­yndaıda aýyldardaǵy qarııa­lar, túrli sanattaǵy múgedekter úshin jyljymaly emhananyń kómegi zor. Keshe «Nur Otan» HDP Aty­raý qalalyq fılıa­ly­nyń uıym­dastyrýymen jyljy­maly emhana Tomarly aýylyna keldi. Jyl­jymaly emhana meń­gerýshisi Meı­ram Tólepovtiń aı­týynsha, aýyl turǵyndaryna jú­rek, kóz, qulaq syrqattaryn emdeıtin dárigerler qyzmet kórse­tedi. Sondaı-aq, emhanada tis emdeý, gınekologııa, terapevt, ýl­tradybystyq apparat, reprodýktıvtik densaýlyq saqtaý kabınetteri bar. Joldasbek ShО́PEǴUL, Atyraý oblysy.   ...Qarabulaqta naýbaıhana ashyldy «Sanjar» fırmasy Eskeldi aýdanynda jańa naýbaıhana ash­ty. Kúnine on myń bólke nan pisirgen kásiporyn jańa tehnologııamen as atasy – nannyń birneshe túrin pisirýdi qolǵa aldy. Naýbaıhananyń ashylýyna ob­­lys, aýdan basshylarymen birge tur­­­ǵyndar qatysty. Munda táý­li­gine myń jarym tonna un óń­delse, joǵary sapaly nan pisirý úshin joǵary sortty un paı­da­la­nylýda. Túrkııalyq qural-jab­dyq­­pen ja­raqtandyrylǵan ká­sip­or­yn­da 40 mınýtta ǵana 192 bólke daı­yn nan shyǵarýǵa múmkindik bar. Jańa tehnologııanyń jáne bi­likti mamandar kómegimen 30 túr­li nan ónimderi daıyndalýda. О́n­im­ge degen suranys kún saıyn art­­qandyqtan, naýbaıhana Tal­dy­­qor­ǵandaǵy 285 saýda núkte­le­ri­men baılanys ornatyp úlgergen. Kúmisjan BAIJAN, Almaty oblysy.   ...Fýtbol alańy paıdalanýǵa berildi Jambyl oblysynyń ákimi Qanat Bozymbaev qaladaǵy Tóle bı kó­she­sindegi 91-úıdiń aýla­syn­da paı­dalanýǵa berilgen sha­ǵyn fýtbol alańynda boldy. Gol­landııanyń ja­sandy jamyl­ǵysy tóselgen ol búldirshin­der­diń dop qý­ýyna daı­­yn eken. Ja­syl jamyl­ǵy­nyń kólemi 22h44 metr jáne aına­la­sy 5 metrlik bıik shar­baq­pen qorshalǵan. Jobalyq quny 7 mln. 350 myń teń­ge bolatyn bul tartý oblystyq fýtbol federasııa­sy­nyń qarajatyna saly­nyp­­­ty. О́t­ken jyly Taraz qala­synda os­yndaı 4 alań paıdalanýǵa be­rilgen bo­latyn. Aldaǵy ýaqytta oblys boı­yn­sha 13 shaǵyn fýtbol alańy salynbaq. Kósemáli SÁTTIBAIULY, Jambyl oblysy.