Sot anyqtaǵandaı, quqyq buzýshylar erekshe qorǵalatyn tabıǵı aýmaqqa jatatyn Jókeı kólinde tıisti lısenzııasyz usaq kózdi aý torlaryn paıdalanyp, 450 keli sazan men móńke balyǵyn zańsyz aýlaǵan. Iаǵnı balyq resýrstaryn jappaı qyryp-joıý tásili qoldanylǵan. Memleketke keltirilgen shyǵyn 5,7 mln teńgeni qurady.
Kúdiktilerdi memlekettik ulttyq tabıǵı park ınspektorlary ustaǵan. Tekserý barysynda 14 balyq aýlaý tory men 19 qap balyq tárkilendi. Sotta aıyptalýshylar tor arqyly balyq aýlaýǵa tyıym salynǵanyn bilgenderin aıtyp, kinálaryn tolyq moıyndady. Olar keltirilgen shyǵyndy ótegen.
О́skemende zańsyz aýlanǵan 4 tonnadan astam balyq tárkilendi
Sot málimetinshe, erekshe qorǵalatyn tabıǵı aýmaqta balyqty jappaı qyryp-joıý tásilimen aýlaý tabıǵatty qorǵaý zańnamasyn óreskel buzý bolyp sanalady jáne aýyr saldarǵa ákep soǵady.
Ár sottalýshyǵa 4 jyl 6 aı merzimge bas bostandyǵynan aıyrý jazasy taǵaıyndaldy. Olar jazasyn qaýipsizdigi eń tómen mekemede óteıdi.
Badam ózenindegi balyqtardyń jappaı qyrylýyna ne sebep boldy?
Úkim zańdy kúshine engen joq.
