Keshenniń negizgi ıdeıasy – túrkitildes halyqtardy álem tarıhynda eleýli orny bar, tereń fılosofııasy men memlekettilik dástúri qalyptasqan uly órkenıet retinde dáripteý. Munda ortaq tarıhı murany ǵylymı turǵydan zerdeleýge, júıeleýge, mádenı týrızm men halyqaralyq yntymaqtastyqty damytýǵa aıryqsha mán berilmek.
Ortalyqtyń arhıtektýralyq sheshimi erekshe sımvolıkalyq mánge ıe. Keńistikte túrki dúnıetanymyndaǵy Táńir, Ergeneqon, Kókbóri, Jeruıyq, Dala, О́mir aǵashy sııaqty mańyzdy uǵymdar beınelenedi.
Al mazmundyq qurylymy jaǵynan ekspozısııalar birneshe taqyryptyq aımaqtarǵa bólinedi.
Túrki halyqtarynyń kóshbasshylary Turkistan vızıt-ortalyǵyna bardy
Kórermender tarıhı oqıǵalardy tereń seziný úshin vırtýaldy jáne tolyqtyrylǵan shynaıylyq (VR, AR), golografııa, jasandy ıntellekt, ımmersıvti dybys pen jaryq sekildi ozyq tehnologııalar qoldanylady.
Eske sala keteıik, Túrkistanda Túrki memleketteri uıymynyń beıresmı sammıti ótti. Sammıt aldynda Qasym-Jomart Toqaev pen Shavkat Mırzııoev Qazaqstan men О́zbekstan arasyndaǵy baýyrlastyq baılanys jáne rýhanı yntymaqtastyq nyshany retinde Túrkistanda boı kótergen meshitpen tanysty.
