Foto: istockphoto.com
Keıin bul oqytý jumys barysynda jyl saıyn qaıtalanyp otyrady. Bul týraly Qazaqstannyń Jasandy ıntellekt jáne sıfrlyq damý vıse-mınıstri Dosjan Musalıev Peterbýrgtegi halyqararalyq ekonomıkalyq forýmynda málimdedi.
Ábýtálip Mýtáli: Kıberalaıaqtyqty zań men tártip jeńedi
Onyń aıtýynsha, zań jobasy Parlament Májilisinde maquldanǵan. Qujattyń 2026 jyldyń kúzinde kúshine enýi kútilýde.
«Eger kıbershabýyldar men alaıaqtyq áreketterdi taldaıtyn bolsaq, olardyń shamamen 80 paıyzy adam faktoryna baılanysty ekenin kóremiz. Júıeni qansha jerden qorǵaǵanmen, eger adamda bazalyq bilim bolmasa, hakerler júıege ońaı ene alady. Árıne, bul kórsetkishti nólge deıin tómendete almaımyz, biraq mundaı sharalar azamattardyń bilim deńgeıin arttyrýǵa yqpal etedi», - deıdi Dosjan Musalıev .
Memleket qazirdiń ózinde mektepterde, joǵary oqý oryndarynda, sondaı-aq qarttar men áleýmettik turǵydan osal toptarǵa arnalǵan arnaıy baǵdarlamalardy iske qosqan. Endi bul bastamaǵa bıznes ókilderi de tartylmaq.
Kıberqaýipsizdik: óz derekterimizdi qalaı qorǵaımyz?
Sheneýniktiń aıtýynsha, oqý kýrstarynda azamattarǵa kúmándi siltemelerge ótpeý, fıshıngtik shabýyldardy ajyrata bilý úıretiledi. Sonymen qatar, parolderdi turaqty túrde jańartyp otyrý jáne senimdi antıvırýstyq baǵdarlamalardy paıdalaný talap etiledi.
