Dene shynyqtyrý jáne sport basqarmasynyń málimetinshe, qurlyqtyq dodada ulttyq qurama sapynda Qaraǵandy óńirinen alty sportshy baq synady. Olardyń ishindegi eń joǵary nátıjege Álııa Moldaǵulova atyndaǵy olımpıadalyq rezervtiń oblystyq mamandandyrylǵan mektep-ınternat-kolledjiniń tárbıelenýshileri qol jetkizdi.
Atap aıtqanda, Mılana Zýbareva 4×400 metrlik estafetada máre syzyǵyn ekinshi bolyp kesip, kúmis júldeger atandy. Al Alına Golovına 100 metrge kedergiler arqyly júgirý saıysynda úzdik úshtikti túıindep, qola medal ıelendi.
Qaraǵandylyq sportshylar aralas 4×400 metrlik estafetada da júldege bir taban jaqyn boldy. Mılana Zýbareva, Nurjan Seıdrahman jáne Pavel Kýlıkovtan quralǵan Qazaqstan quramasy tórtinshi oryndy qanaǵat tutty.
Júldege sál ǵana jetpeı qaldyq. Degenmen bul qashyqtyqta Qazaqstan rekordy on sekýndtan astam ýaqytqa jańardy, - dedi Qaraǵandy oblysynyń jeńil atletıkadan aǵa jattyqtyrýshysy Andreı Ageev.
О́ńirdiń ózge sportshylary da el namysyn laıyqty deńgeıde qorǵady. Iýlııa Dıomkına 100 metrge júgirýde jeke rekordyn jańartsa, Maqsat Bazarbaev bıiktikke sekirý sektorynda 195 santımetr bıiktikti eńserip, nátıjesin jaqsartty.
