Foto: depositphotos.com
Noks.kz, taratqan aqparatta: Prokýratýra málimetinshe, júrgizýshi kýáligi joq áıel jol-kólik oqıǵasyna sebepker bolyp, kólikti alkogoldik masań kúıde basqarǵan. Is sotta qaralǵan kezde ol júktiligi týraly anyqtama usynyp, sonyń negizinde ákimshilik qamaý jazasy aıyppulmen almastyrylǵan.
Alaıda prokýratýra júrgizgen tekseris barysynda medısınalyq anyqtamanyń jalǵan ekeni belgili boldy.
Osy fakti boıynsha Qylmystyq kodekstiń jalǵan qujattardy paıdalaný babymen sotqa deıingi tergeý bastaldy.
Sonymen qatar bul iske qatysty polısııa qyzmetkerleriniń áreketi de tekserilip jatyr. Quqyq qorǵaý organdary ázirge olardyń yqtımal qatysy jóninde naqty aqparat bergen joq.
Aqsý prokýratýrasy sottyń bastapqy sheshimine narazylyq bildirip, jazany qatańdatýdy talap etti. Nátıjesinde oblystyq sottyń apellıasııalyq alqasy aıyppuldy 20 táýlik ákimshilik qamaýǵa aýystyrǵan.
