Foto: facebook.com/daniyar.meirkhan
Onyń aıtýynsha, is «stalkıng» baby boıynsha tergelgen. Alaıda keıin qylmystyq is óndiristen qysqartylǵan.
«Danııar Meıirhanǵa qatysty qylmystyq is stalkıng faktisi boıynsha tergeldi. Qazirgi tańda is toqtatyldy. Degenmen sotta jeke aıyptaý tártibimen berilgen materıaldar qaralyp jatyr. Oǵan qatysty pikir bildirýge quqyǵym joq», dedi Sanjar Ádilov.
Sot kabınetindegi málimetke sáıkes, eks-komıtet tóraǵasyna qatysty jeke aıyptaý isin Astanadaǵy aýdanaralyq qylmystyq sot qarap jatyr.
Danııar Meıirhan bıyl 8 sáýirde IIM Esirtki qylmysyna qarsy is-qımyl komıteti tóraǵasy qyzmetinen shettetilgen edi. Ol bul laýazymǵa 2025 jyldyń qyrkúıeginde taǵaıyndalǵan bolatyn.
Keıin, 24 sáýirde Ishki ister mınıstrligi Meırhanǵa qatysty shaǵym boıynsha tekserý áli aıaqtalmaǵanyn habarlady. Vedomstvo basshylyǵyna aryzben onyń áriptesteri júgingen.
Danııar Meıirhan ishki ister organdarynda 2003 jyldan beri qyzmet etken. Onyń esimi buǵan deıin de birneshe daýly oqıǵamen baılanysty atalǵan.
2019 jyly ol Túrkistan qalalyq polısııa basqarmasy basshysy qyzmetinen shettetilip, keıin Túlkibas aýdandyq polısııa bólimin basqarǵan. Al 2022 jyldyń kókteminde alaıaqtyq jasady degen kúdikpen ustalǵan. Keıin Sybaılas jemqorlyqqa qarsy qyzmet qylmystyq quqyqbuzýshylyq quramy bolmaǵandyqtan isti japqan.
2023 jyldyń qyrkúıeginde Danııar Meıirhan Shymkent qalasy patrýldik polısııa polkiniń komandıri qyzmetinen bosatylǵan edi. Sol kezde ol departament jumysyn tekserýdi talap etip, júıeli jemqorlyq belgileri týraly birneshe ret basshylyqqa habarlaǵanyn málimdegen bolatyn.
