Foto: Ashyq derekkóz
Ulttyq statıstıka bıýrosynyń málimetinshe, 2025 jyldyń qorytyndysy boıynsha elge 15 jastan asqan, kásibı bilimi bar 7,9 myń adam kelgen, al 3,6 myń adam elden ketken. Taza kóshi-qon ósimi 4,2 myń adamdy qurady.
Degenmen bilikti mamandar boıynsha jaǵdaı áli de kúrdeli kúıinde qalyp otyr. 2021-2025 jyldar aralyǵynda 15 jastan asqan mamandar arasyndaǵy syrtqy kóshi-qonnyń jıyntyq saldosy nebári 374 adamdy qurady. Iаǵnı el burynǵy shyǵyndarynyń tek bir bóligin ǵana óteı alǵan.
Ekonomıka úshin mańyzdy salalarda Qazaqstan sońǵy bes jylda mamandar tapshylyǵyn sezingen. Eń úlken tapshylyq tehnıkalyq kadrlar arasynda tirkeldi: bes jyl ishinde ketkender kelgenderden 2,1 myń adamǵa kóp boldy.
Sondaı-aq ekonomıster, pedagogter men medısına qyzmetkerleri arasynda maman jetispeýshiligi tirkelgen. Iаǵnı el adamı kapıtal sapasyna tikeleı áser etetin negizgi salalarda kadr joǵaltýdy jalǵastyrǵan.
Endi medısına túlekterine rezıdentýrany ótpeı-aq jumys isteýine ruqsat beriledi
Ulttyq statıstıka bıýrosynyń deregine súıensek, bıyl oń dınamıka saqtalyp otyr. 2026 jyldyń qańtar-naýryz aılarynda elge 1,6 myń adam kelgen. Alaıda jaǵdaıdyń túbegeıli ózgergeni týraly aıtý erte deıdi mamandar.
Negizgi másele sol kúıinde qalyp otyr. Qazaqstan qazirgi zamanǵy ekonomıka úshin asa mańyzdy salalardaǵy kadrlyq shyǵyndy tolyq ótegen joq.
Eske sala keteıik, jaýapty mınıstrlik buǵan deıin kadr tapshylyǵyn azaıtý maqsatynda sheteldik mamandardy jumysqa ornalastyrýdyń jeńildetilgen tártibin qarastyrǵan bolatyn.
