Zelenskıı hatynda Pýtınge jeke kezdesý ótkizip, soǵysty aıaqtaý máselesin talqylaý úshin naqty kún belgileýdi usynǵan. Onyń aıtýynsha, qazirgi ýaqytta AQSh-tyń nazary negizinen Taıaý Shyǵystaǵy jaǵdaıǵa aýǵandyqtan, soǵysty aıaqtaý joldaryn qarastyrý qajet.
«Tańdaý qazir sizdiń qolyńyzda. Soǵysqa núkte qoıatyn ýaqyt keldi. Ýkraına bul soǵysty aıaqtaýdy usynady. Muny adal ári laıyqty túrde júzege asyryp, qaqtyǵystardyń aldyn alý kerek», dep jazdy Ýkraına basshysy.
Zelenskıı maıdan shebi dıplomatııalyq kelissózderdiń bastaý núktesine aınalýǵa tıis ekenin aıtyp, Ýkraına kelissózder kezeńinde atysty ýaqytsha toqtatýǵa daıyn ekenin málimdedi. Sondaı-aq ol kezdesýdi ótkizýge daıyn elderdiń qatarynda Shveısarııa, Túrkııa jáne Arab elderi bar ekenin atap ótti.
Ýkraına prezıdenti qaýipsizdikti qamtamasyz etý úshin kelissózderge Amerıka Qurama Shtattary pen Eýropa elderin tartýdy usyndy.
Eske sala keteıik, buǵan deıin Vladımır Zelenskıı Reseı Prezıdentine qaqtyǵysty qysqa deıin toqtatý kerektigin aıtyp, málimdeme jasaǵan bolatyn.
