Oqýǵa baýlý – ómirge baýlý

Oqý-aǵartý mınıstrligi Mek­tepke deıingi bilim berý depar­ta­menti dırektorynyń mindetin at­qarýshy G.Iskakova jaýabyn­da Bilim jáne ǵylym mınıstriniń 2020 jylǵy 22 mamyrdaǵy №216 buı­ryǵymen «Orta bilim berý uıym­daryna arnalǵan jekelegen pán­der boıynsha oqýlyqtar men ba­zalyq oqýlyqtardyń, mektepke deıin­gi uıymdarǵa, orta bilim berý uıym­daryna arnal­ǵan oqý-ádis­temelik keshender­diń (budan ári – OÁK), onyń ishin­de elektrondyq nysandaǵy tiz­be­sin balalardyń jas erekshelik­te­rine qaraı bas­shylyqqa alynǵany týraly ja­zylǵan. Atalǵan normatıvke sáıkes pedagogke ádistemelik kómek retin­de OÁK, kórkem ádebıet bo­ıyn­sha ádistemelik nusqaýlyq, úles­tirmeli materıal, hrestomatııa qamtamasyz etiledi. Sonymen qatar pedagogterdiń kásibı quzy­ret­tilikterin joǵarylatý baǵy­tyn­da ádistemelik súıe­mel­deý jumy­sy, semınarlar, trenıngter, respýblıka­lyq konkýrstar, bilik­tilikti arttyrý kýrs­tary, túsin­dirý jumystary júr­gizilip jatyr
eken.

«Oqýshylardyń qazaq tili men ádebıetine qyzyǵýshylyǵyn arttyrý, olardyń shyǵarmashy­lyq qabiletteri men tanym­dyq qyzyǵý­shylyqtaryn anyq­tap, damytý, daryn­dy balalardy qoldaý maq­satynda olımpıadalar men baı­qaýlar ótkiziledi. Y.Altynsarın atyn­daǵy Ulttyq bilim akade­mııa­­sy PIRLS krıterııleri negi­zin­­de muǵalimderge ádistemelik usy­­nymdar ázirlep jatyr. Mem­le­ket basshysynyń tapsyrmasy aıasynda balalardyń kitapqa qush­­­tarlyǵyn arttyrý jáne kitap­ha­nalardy ádebıettermen qam­­ta­masyz etý maqsatynda ­respýb­lıka deńgeıinde «Balalar kitaphanasy» baǵdarlamasy júzege asy­ryp keledi. Baǵdarlama aıasyn­da Shym­kenttegi №145 mektepte «Meniń súıikti kitabym» respýblıkalyq chellendji ótki­zil­gen, sondaı-aq balalardyń kanı­kýldaǵy bos ýaqytyn tıimdi uıymdastyrý maqsatynda arnaıy­ kórkem ádebıetter tizimi men ádis­te­melik gaıdbýkter ázirlenip, bilim berý uıymdaryna joldandy. Ult­tyq kitap kúni qarsańyn­da uıym­das­ty­rylǵan «Balalar ádebıeti – rýhanı tárbıe bastaýy» onkúndigine res­pýblıka boıynsha 1,3 mln adam qa­tysyp, mádenı-aǵartýshylyq is-sha­ra­lar ótkizildi», delingen hatta.

Jaýap hatta jazylǵandaı, mınıstr­lik bilim alýshylar­dyń oqý saýat­tylyǵyn arttyrý ba­ǵy­tynda júıeli jumys atqa­rylyp jatqany, bul sharalar bilim mazmunyn jańartýdy, oqý­lyqtardy sapaly irikteýdi, baǵalaýdyń zamanaýı tásilderin engizýdi qamtıtyny aıtylǵan.

Oqytý isine jaýap joǵary uıym osylaısha balalardy ­gazet-jýrnal, kitap oqýǵa baýlıtyn naý­qandyq is-sharalar esebin bergendeı bolǵan. Al bizdiń maqala­da sol balalar men oqýshylardy kórkem ádebıet, ba­sylymdar oqýǵa baýlıtyn tár­bıeshiler men muǵalimder daǵdysy­nyń kemshin ekeni kórsetilen edi. Buǵan qatysty jaýapty atal­ǵan hattan kózimiz shalmady. Gazet oqymaǵan mamandar urpaqty qalaı tárbıelemek? Degen­men keri baılanysqa beı­jaı qaramaǵan mınıstrlik ókil­­de­rine rıza­shylyǵymyzdy bil­dire­miz. Bul máseleni gazet ujy­my aldaǵy ýa­qytta da jiti nazar­da ustaıdy.