Foto: istockphoto.com
Mamandar ýly jándikter negizinen jańa qonystanyp jatqan aýmaqtarda kóbeıgenin aıtyp otyr. Saryshaıandar kóbine aıaq kıim ishine, kereýet astyna nemese ylǵaldy jerlerge tyǵylatyndyqtan, turǵyndar olardy baıqamaı qalyp jatady.
Dárigerlerdiń málimdeýinshe, saryshaıan shaqqan jaǵdaıda adamnyń tynys alýy qıyndap, ómirine qaýip tónýi múmkin. Sondyqtan mundaı jaǵdaılarda ýaqyt joǵaltpaı, birden jedel medısınalyq kómekke júginý qajet.
«Saryshaıan kóbine adamdy uıyqtap jatqan kezde shaǵady. Sondyqtan jaz aılarynda dalada, jerde jatpaý kerek. Onyń ústine ylǵaldy jerde jándikterdiń basqa da túrleri bolýy múmkin. Sol úshin astyǵa tósenish tósep, 10-15 santımetr bıiktikte jatý kerek», deıdi Shymkent qalasy gıperbarıkalyq oksıgenasııa ortalyǵynyń bas dárigeri Madına Ermahanbetova.
Aqmola oblysynda kene shaqqan jasóspirim jansaqtaý bólimine tústi
Eske sala keteıik, buǵan deıin Shymkentte 14 jastaǵy balany saryshaıan shaǵyp, dárigerler balaǵa shuǵyl ota jasaǵan bolatyn.
