Foto: istockphoto.com
Polısııa málimetinshe, 00:22-de «102» arnasyna kópqabatty úı aýlasynda feıerverk atylyp jatqany týraly habar túsken. Oqıǵa ornyna kelgen tártip saqshylary 33 jastaǵy er adamnyń pırotehnıka qoldanǵanyn anyqtaǵan.
Túngi ýaqytta turǵyndardyń tynyshtyǵyn buzǵany úshin er adamǵa Ákimshilik quqyq buzýshylyq týraly kodekstiń 436-babynyń 2-bóligi boıynsha hattama toltyryldy. Bap boıynsha oǵan 20 AEK mólsherinde, ıaǵnı 86 500 teńge aıyppul tóleý mindetteldi.
Úndistandaǵy feıerverk zaýytynda jarylys boldy: 23 adam qaza tapty
Polısııa turǵyndarǵa túngi ýaqytta qoǵamdyq tártipti saqtaý qajettigin eskertedi.
Eske sala keteıik, jýyrda Qytaıdyń Hýnan provınsııasy aýmaǵyndaǵy feıerverk zaýytynda jarylys boldy. Apat saldarynan 21 adam qaza taýyp, 61 adam jaraqat aldy.
