Bul jer Uly Jibek jolynyń soltústik tarmaǵyndaǵy mańyzdy teńiz-qurlyq saýda toraby retinde Kaspıı mańy memleketteriniń saıası, ekonomıkalyq jáne saýda baılanystarynda erekshe ról atqarǵan. Qalashyqtan Vızantııa, Úndistan, Rım, Parsy jáne Qytaı elderimen baılanysty dáleldeıtin tıyndar, mórler, qysh ydystar men túrli jádigerler tabylǵan, sondaı-aq tarıhı orynnan arheologter kóne port qyzmetin atqarǵan aımaqtyń izderin, qolóner óndirisi men teńiz saýdasyna qatysty kóptegen derek anyqtaldy.
Kóne qalashyq ornyna Aqtaýdaǵy Á.Kekilbaıuly atyndaǵy Mańǵystaý oblystyq tarıhı-ólketaný mýzeıiniń jańadan qurylǵan Arheologııa bóliminiń mamandary Á.H.Marǵulan atyndaǵy Arheologııa ınstıtýtynyń ǵalymdarymen birlesip, ǵylymı zertteý jáne arheologııalyq qazba jumystaryn bastady.
Atalǵan joba aıasynda tarıhı eskertkishtiń qurylymdyq erekshelikteri, mádenı qabattary jáne arheologııalyq áleýeti keshendi túrde zerttelip, qazba barysynda anyqtalatyn jádigerler men ǵylymı derekter eskertkishtiń tarıhı kezeńderin naqtylaýǵa, óńirdiń kóne tarıhyn tereńirek zerdeleýge múmkindik beredi.
Zertteý jumysy Mańǵystaý óńiriniń tarıhı-mádenı murasyn saqtaý, ǵylymı aınalymǵa jańa derekter engizý jáne arheologııalyq qundylyqtardy keńinen nasıhattaý maqsatynda júzege asyrylyp jatyr. Jurtshylyqty habardar etý maqsatynda qazba jumystarynyń nátıjeleri, tabylǵan arheologııalyq oljalar men tyń málimetter Á.Kekilbaıuly atyndaǵy Mańǵystaý oblystyq tarıhı-ólketaný mýzeıiniń resmı aqparattyq alańdarynda arnaıy aıdar aıasynda turaqty túrde jarııalanyp otyrady.
Mańǵystaý oblysy
