Foto: Aqorda
«Atap aıtqanda, Túrki memleketteri uıymynyń Sıfrlyq monıtorıng jáne Sıfrlyq ınnovasııalar ortalyqtaryn qurýdy usyndym. Bul ortalyqtar Uıymǵa múshe memleketterdiń ósip-órkendeýine sıfrlyq turǵydan tyń múmkindikter beredi.
Budan bólek, sol alqaly jıynda Kıberqaýipsizdik jónindegi keńes qurý qajet ekenin aıttym. Mundaı Keńes elderimizdiń sıfrlyq álemindegi osal tustardy anyqtap, ınfraqurylymǵa tónetin qaýiptiń aldyn alýǵa yqpal etedi.
Osy qurylym arqyly Uıymǵa múshe elderdiń tıisti organdary jedel aqparat almasa otyryp, jumys isteı alady», dedi Memleket basshysy.
Prezıdenttiń aıtýynsha, Qazaqstan bul bastamalar boıynsha tıisti tujyrymdamalardy ázirlep, Uıymǵa múshe memleketterge kelisý úshin joldady.
«Atalǵan naqty sharalardyń bári de elderimizdiń ortaq múddesine saı keledi. Sondyqtan osy baǵytta tıimdi jáne belsendi áreket etemiz dep oılaımyn», dedi Prezıdent.
Prezıdent: Almaǵaıyp kezeńde túrki memleketteriniń aýyzbirshilikte bolýy – óte mańyzdy
Sonymen qosa, Sıfrlyq qoltańbany ózara taný, ǵarysh salasyn birlese ıgerý týraly sóz qozǵalyp, Prezıdent TMU aıasynda birlese iske asyrýǵa bolatyn birqatar usynysty ortaǵa saldy.
«Birinshiden, saýda-ekonomıka salasy boıynsha uıymǵa múshe elder arasynda elektrondyq qujattar men sıfrlyq qoltańbany ózara tanýǵa qatysty jumysty birlese júrgizgen jón.
Ekinshi másele: Ǵarysh salasy – túrki memleketteriniń básekege qabiletin arttyrýǵa yqpal etetin negizgi faktordyń biri», dedi Qasym-Jomart Toqaev.
Prezıdenttiń aıtýynsha, bul baǵytty júıeli túrde damytý úshin elderimizdiń ǵylymı, tehnologııalyq jáne qarjylyq áleýeti jetkilikti.
«Ásirese, spýtnık baılanysy, navıgasııa jáne monıtorıng salasynda birlesken jobalardy júzege asyryp, yqpaldastyǵymyzdy keńeıte túsý qajet.
Sol arqyly tehnologııalyq derbestigimizdi nyǵaıtyp, ınnovasııalyq áleýetimizdi arttyrýǵa múmkindik týady. Mysaly, «CubeSat-12U» ǵylymı spýtnıgin iske qosýdyń mańyzdylyǵyn atap ótýge bolady», dedi Memleket basshysy.
Memleket basshysy: Túrki tilderine ortaq termınologııalyq negiz qalyptastyrý qajet
