Foto: Aqorda
«Bilim-ǵylym salasyna qajetti mamandar daıarlaıtyn oqý ortalyqtary men ǵylymı mekemeler kerek. О́zara tájirıbe almasý, birlesip kadrlar daıarlaý jáne ozyq tehnologııalardy engizý óte mańyzdy. Sondyqtan Túrki elderiniń jasandy ıntellekt ortalyqtarynyń jelisin qurýdy usynamyn. Biz Qazaqstanda jańa formattaǵy tehnologııalyq oqý orny – Jasandy ıntellekt ýnıversıtetin ashýdy josparlap otyrmyz. Joǵary oqý ornynda túrki memleketteriniń azamattaryn oqytý úshin arnaıy granttar bólýge daıynbyz. Baǵdarlamalaý, jasandy ıntellekt jáne ozyq sıfrlyq tehnologııa salalary boıynsha túrki elderiniń jastary arasynda jyl saıyn ǵylymı-tehnologııalyq olımpıada uıymdastyrǵan jón dep sanaımyz», dedi Memleket basshysy.
Prezıdenttiń aıtýynsha, bul bastamalardy júzege asyrý úshin Túrki ınvestısııalyq qory tarapynan qarjylaı kómek kórsetýge bolar edi.
«Bıyl Qor naqty jobalar boıynsha jumys isteý tásiline kóshti. Jarǵylyq kapıtaly 600 mıllıon dollarǵa jetti. Ony ulǵaıtýǵa bolady. Bul – aıryqsha máni bar strategııalyq resýrs. Sol sebepti Qor barlyq startapqa qoldaý kórsetip, ınfraqurylymdyq jobalardy iske asyrýǵa belsene atsalysady dep senemiz. Qor tolyqqandy qyzmet kórsetýge tıis. Múshe memleketterdi osy mindetti jedel júzege asyrýǵa shaqyramyn», dedi Memleket basshysy.
Eske sala keteıik, búgin Memleket basshysy Túrki memleketteri uıymynyń beıresmı sammıtine qatysý úshin Túrkistan qalasyna bardy.
О́zbekstan Prezıdenti Túrkistan halqyna erekshe tartý jasady
