Foto: gov.kz
Jańa zańdar qatarynda «Qazaqstan Respýblıkasy astanasynyń mártebesi týraly» zań jobasy bar. Zańǵa sáıkes, astana Prezıdenttiń rezıdensııasy «Aqorda», Quryltaı, Úkimet pen Joǵarǵy Sot jáne Qazaqstan Respýblıkasynyń ózge de ortalyq memlekettik organdardyń ornalasqan orny retinde aıqyndalǵan.
Astananyń mindetti dızaın-kody engiziledi
Zańǵa sáıkes, Astana aýmaǵyndaǵy barlyq sáýlet, qala qurylysy jáne qurylys qyzmeti bas josparǵa, qala qurylysy qujattamasyna jáne memlekettik erejelerge sáıkes júzege asyrylady.
Qujattaǵy negizgi normalardyń biri astananyń mindetti dızaın-kodyn engizý bolyp otyr. Onyń talaptary ǵımarattarǵa, jol ınfraqurylymyna, jarnamaǵa jáne qalanyń syrtqy dızaınynyń elementterine qoldanylatyn bolady. Astana qalalyq sáýlet jáne qala qurylysy keńesi osy tásilderdi iske asyrýda mańyzdy ınstıtýsıonaldyq ról atqarady. Bul qaladaǵy beıberekettiliktiń aldyn alyp, úılesimdi ári jınaqy bolýyna jaǵdaı jasaıdy.
Astana erekshe mártebege ıe bolady: Parlament zań jobasyn maquldady
Kólik ınfraqurylymyn basqarýdyń jańa ortalyǵy iske qosylady
Sonymen qatar, zańda astananyń áleýmettik-ekonomıkalyq damýyna, týrızmdi damytýǵa, sondaı-aq astanany halyqaralyq is-sharalar men kórmelerge daıyndaýǵa kómek kórsetetin uıym sekildi baǵynysty uıymdardyń mindetteriniń sheńberi anyqtalǵan.
Qujatta joldar men kólikke qozǵalysyna erekshe kóńil bólingen. Astanada baǵdarshamnan bastap turaqqa, kólikterdi evakýasııa jasaý jáne kólik aǵynyn taldaýǵa deıin kólik qozǵalysyn basqarý úshin mamandandyrylǵan ortalyq qurylyp jatyr. Bul turǵyndar úshin jol qozǵalysyn tıimdirek ete túsedi. Sonymen qatar zańda Astananyń ınfraqurylymy múgedektigi bar jandar, qarttar men balalarǵa birdeı qoljetimdi bolý kerektigi aıtylǵan.
Jasyl beldeýdi qorǵaý sharalary kúsheıtiledi
Zań astananyń orman saıabaq aımaǵy úshin erekshe rejım belgileıdi. Onda tabıǵatqa zııan keltirýi múmkin kez kelgen áreketke – lastanýdan bastap janýarlarǵa joıý áreketine deıin tyıym salynady. Bul jasyl aımaqtardy uzaq merzimdi qorǵaýdy qamtamasyz etedi jáne qalanyń ekologııalyq tepe-teńdigin nyǵaıtady. Qalany abattandyrý jáne sanıtarlyq tazalaý boıynsha jeke júıe de bekitilgen. Soǵan sáıkes, kósheler men joldardyń tazalyǵyna jaýapty mamandandyrylǵan uıymdar qurylmaq.
Jańa jumys oryndary ashylady
Jańa zań qalanyń ekonomıkalyq damýymen tikeleı baılanysty. Bul baǵytta nvestısııalardy tartý, týrızmdi damytý jáne astanany brend retinde nasıhattaý úshin bólek qurylym jasaqtalady. Demek, turǵyndar úshin jańa jumys oryndary ashylyp, iskerlik belsendilik arta túsedi.
Eske sala keteıik, buǵan deıin Memleket basshysy «Alataý qalasynyń arnaýly quqyqtyq rejımi týraly» Qazaqstan Respýblıkasynyń Konstıtýsııalyq zańyna qol qoıdy.
