Kezdesýde Agenttik tóraǵasy Memleket basshysynyń barlyq deńgeıdegi sheneýnikter men basshylar «Adam memleket úshin emes, memleket adam úshin» degen qaǵıdatty berik ustanýǵa tıis degen sózine toqtaldy. Memlekettik qyzmetshiler jańa Konstıtýsııada kózdelgen Ádiletti Qazaqstan ıdeıasyn jáne Zań men Tártip qaǵıdatyn basshylyqqa alý kerektigin aıtty.
Sonymen qatar, Darhan Jazyqbaı memlekettik qyzmettiń mıssııasyn bekitý, azamattarmen ózara is-qımyldyń servıstik modeline kóshý, memlekettik apparattyń kásibıligin arttyrý jáne kadrlyq prosesterdi sıfrlandyrýdy kózdeıtin Memlekettik qyzmet týraly jańa zańǵa keńinen toqtaldy.
«Zań aıasynda mansaptyq jáne pozısııalyq modelderdiń artyqshylyqtaryn biriktiretin memlekettik qyzmettiń gıbrıdti modeli qalyptastyryldy. Endi úmitkerlerdi irikteý kezinde olardyń memlekettik qyzmettegi, kvazımemlekettik sektordaǵy jáne jeke sektordaǵy tańdaǵan laýazymynyń fýnksıonaldyq baǵytyna sáıkes keletin jıyntyq eńbek ótili eskeriledi», dedi Darhan Jazyqbaı.
Zańda memlekettik qyzmetshilerdiń adaldyǵy men ádeptiliginiń joǵary deńgeıin qamtamasyz etýge baǵyttalǵan minsiz bedel ınstıtýtyn engizý kózdelgen. Jas ári talantty mamandardy tartý maqsatynda zańda memlekettik qyzmetke kirýge daıarlaý ınstıtýtyn engizý qarastyrylǵan. Memlekettik qyzmetke irikteý tolyqtaı sıfrlyq formatqa kóshirilip, konkýrs rásimderi «E-qyzmet» júıesi arqyly júzege asyrylady. Sonymen qatar «B» korpýsynyń qyzmetshileri úshin kóldeneń ilgeriletý tetigi engiziledi.
Memlekettik qyzmetkerlerdiń jalaqysy ósedi: Senat zańdy maquldady
Kezdesýde memlekettik qyzmet salasyn sıfrlandyrý baǵytynda atqarylyp jatqan jumystar da aıtyldy. Sıfrlyq irikteý júıesiniń engizilýi konkýrs rásimderiniń ashyqtyǵy men obektıvtiligin qamtamasyz etkeni aıtyldy. Sonymen qatar memlekettik qyzmetshilerdiń jasandy ıntellekt salasyndaǵy quzyretterin arttyrýǵa baǵyttalǵan «AI Qyzmet» baǵdarlamasy aıasynda júıeli jumystar júrgizilip jatyr. Búginde atalǵan baǵdarlama boıynsha respýblıka kóleminde 60 myńǵa jýyq memlekettik qyzmetshi oqytýdan ótken. Onyń ishinde Almaty qalasynan 2 700-den astam qyzmetshi qamtyldy.
Sonymen qatar, kezdesýde sybaılas jemqorlyqqa tózbeýshilik mádenıetin qalyptastyrý tyqyryby da qamtyldy. Byltyr «Qoǵamdyq pikir» ınstıtýty halyq arasyndaǵy sybaılas jemqorlyqty qabyldaý deńgeıin anyqtady. Nátıjesinde azamattardyń 69% sybaılas jemqorlyqpen kúreske ózi qatysýǵa daıyn ekenin bildirgen. Bul – qoǵamdaǵy jaýapkershiliktiń artyp, azamattyq ustanymnyń kúsheıip kele jatqanyn kórsetedi.
Zań kúsheıdi: Memlekettik qyzmetshilerge qoıylatyn talaptar kóbeıdi
Jumys sapary barysynda Agenttik tóraǵasy Q.I. Sátbaev atyndaǵy Qazaq ulttyq tehnıkalyq zertteý ýnıversıtetinde óńirlik jastarmen kezdesip, olarǵa memleket tarapynan usynylyp otyrǵan múmkindikter týraly aqparat berdi. Memlekettik qyzmetke kirý tártibin jeńildetý maqsatynda joǵary oqý ornyn úzdik aıaqtaǵan (GPA 3,33-ten joǵary) túlekterge aýdandyq jáne aýyldyq deńgeıdegi tómengi laýazymdarǵa konkýrssyz ornalasý múmkindigi qarastyrylǵan. Búgingi tańda osy múmkindik arqyly respýblıka boıynsha 860 jas túlek memlekettik qyzmettiń túrli laýazymdaryna konkýrssyz qabyldanǵan. Onyń ishinde atalǵan oqý ornynyń 4 túlegi bar.
Budan bólek, bilikti jastardy memlekettik qyzmetke tartýǵa baǵyttalǵan Prezıdenttik jastar kadr rezerviniń artyqshylyqtary túsindirildi. 2019 jyldan bastaý alǵan bul jobaǵa 450 jas iriktelip alyndy. Sondaı-aq 2024 jyly elimizdiń barlyq óńirinde alǵash ret О́ńirlik jastar kadr rezervine irikteý júrgizildi. Nátıjesinde 546 jas rezerv quramyna engizilse, onyń 41-i Almaty qalasynyń ókilderi. Q.I.Sátbaev atyndaǵy Qazaq ulttyq tehnıkalyq zertteý ýnıversıtetiniń 13 túlegi Prezıdenttik jastar kadr rezervine jáne 17 túlegi óńirlik rezervke engen.
Endi memlekettik qyzmetke kadrlardy irikteý sıfrlyq formatta júzege asyrylady
Sonymen qatar, Darhan Jazyqbaı sapar barysynda memlekettik qyzmet ardagerlerin «Memlekettik qyzmet ardageri» tósbelgisimen marapattady. Sondaı-aq, laýazymdyq mindetin úlgili atqarǵan birqatar memlekettik qyzmetshilerge jáne ýnıversıtettiń belsendi stýdentterine Agenttik tóraǵasynyń Gramotalary men Alǵys hattary tabystaldy.
