Foto: Vıdeodan skrın
24 jyldyq eńbek ótili bar pedagog Hasen Erimbetov bıyl qańtar aıynda jumystan zańsyz bosatylǵan. Osyǵan baılanysty ol eńbek quqyqtarynyń buzylǵanyn alǵa tartyp, Túrkistan oblystyq eńbek ınspeksııasyna shaǵymdanǵan. Tekserý nátıjesinde jumystan bosatý zańsyz dep tanylyp, jumys berýshige ony qyzmetine qaıta ornalastyrý jóninde uıǵarym berilgen.
Pedagogtiń aıtýynsha, sot sheshimine qaramastan ol qyzmetine qaıta alynbaǵan. Ádildik izdep Ordabasy aýdandyq sotyna júgingenimen, jaǵdaı óz sheshimin tappaǵan. Osydan soń Hasen Erimbetov ózine zaqym keltirgen.
«Men Ordabasy aýdandyq sotynan ádildik izdep keldim. Meni zańsyz jumystan shyǵaryp jibergen. О́zimdi aqtap, bar nárseni aıtsam da meni 5 kúnge qamap otyr», dedi ol.
Oqıǵaǵa qatysty resmı organdardan qosymsha túsinikteme bergen joq.
Eske sala keteıik, buǵan deıin Rýdnyıda sot oryndaýshysyna pyshaq siltegen er adamnyń sot otyrysy ótti. Tergeý málimetinshe, er adam 15 jyl boıy alıment tóleýden jaltaryp kelgen.
