Qazaqstannyń turǵyn úı qurylys jınaq bankine – 8 jyl

Qazaqstan Respýb­lıkasy­nyń Konstıtýsııasynda atal­ǵan eń ózekti máselelerdiń biri – el azamattaryna áleýmettik turǵydan qoldaý kórsetý, onyń ishinde turǵyn úımen qamta­masyz etý. Turǵyn úımen qamsyzdan­dy­rýǵa jaǵdaıdy qurý qa­jet­tiligi aıasynda Konstıtý­sııa­lyq erejeni júzege asyrý úshin 2000 jyldyń 7 jeltoqsanynda «Qazaqstan Respýblıkasynda turǵyn úı qurylys jınaqtaý týraly» Qazaqstan Respýblı­ka­synyń Zańy qabyldanǵan bo­latyn. Bul Zańda Qazaqstanda sapaly jańa júıe arqyly turǵyn úıdi alý úshin prınsıpter men mehanızmder engizilgen. Aıta keterlik bir jaıt, TMD elderi boıynsha Qazaq­stan tabysy kóp emes adam­darǵa arnalǵan turǵyn úı qu­rylys júıesin engizgen birinshi memleket bolyp tabylady. 2003 jyldyń 10 shildesinde «Qazaqstannyń turǵyn úı qu­rylys jınaq banki» aksıonerlik qoǵamy quryldy. Osy kún­nen bastap, qazaqstandyq­tar­dyń turǵyn úı máselesin jaq­sartýǵa baǵyttalǵan Banktiń resmı jumysy bastaldy. Kóp­tegen sarapshylardyń pikirinshe, elimizdegi ekinshi dárejeli bankterdiń arasynda Turǵyn úı qurylys jınaq bankiniń qyzmeti erekshe, ári onyń qyz­meti men usynystary turǵyn­dar úshin yńǵaıly. 2003 jyly Bank irgetasy qa­lanǵannan bastap, 2011 jyl­dyń 1 shildesine deıin 95,82 mıl­lıard teńgege turǵyn úı zaemdary berilip, 245 286 tur­ǵyn úı qurylys jınaq sharty jasalyndy. Bank klıentte­ri­niń kópshiliginiń aıtýynsha, Qa­zaqstannyń turǵyn úı qury­lys jınaq banki myńdaǵan qazaq­standyqtardyń turǵyn úı máse­lesin sheshýshi Bank retinde moı­yndalyp otyr. Paıyz­dyq mólsherlemesi tómen, tıimdi shart talaptary jáne jo­ǵary sa­paly qyzmet kórsetý – bola­shaq klıentterdi ózine sha­qy­rý­ǵa Banktiń negizgi qural­dary bo­lyp tabylady. Barsha qazaq­stan­dyqtardyń surany­syn já­ne qalaýlaryn qanaǵat­tandyrý úshin Bank «Bastaý», «Bola­shaq», «О́rken» jáne «Kemel» tarıftik baǵdarlamal­a­ryn qa­ras­tyrǵan. Banktiń bo­la­shaq klı­entteriniń basqa bank­terde alynǵan nesıelerin qaıta qar­jylandyrý múmkin­digi de bar. Turǵyn úı qurylys jınaq júıesin Qazaqstannyń azamat­ta­ryna keń taratý maqsatynda 2006 jyldyń mamyr aıynda «Qazaqstannyń turǵyn úı qurylys jınaq banki» AQ pen «Qazposhta» AQ arasynda kelisim jasalǵan bolatyn. Sodan beri osy kelisim arqyly «Qaz­poshta» AQ «Qazaqstannyń tur­ǵyn úı qurylys jınaq ban­kiniń» atynan poshtanyń ob­lystyq jáne aýdandyq torap­tarynda klıenttermen kelisim-shart jasasýǵa ýákildik qyz­metter kórsetip kele jatyr. Qazaqstannyń turǵyn úı qu­rylys jınaq banki Qazaq­stan Respýblıkasynyń 2011-2014 jyldar aralyǵyndaǵy tur­ǵyn úı qurylysy baǵdarla­masynyń basty operatory bol­ǵandyqtan, osy baǵdarlama aıa­synda Bank arqyly 60 000 adamǵa 14 000 jańa páterdi qol­danysqa engizý kózdelip otyr. Bul baǵdarlama áleýmet­tik turǵydan sıpattalady, son­dyqtan ol barsha halyqtyń múmkindigine, onyń ishinde mem­lekettik jáne bıýdjettik mekeme qyzmetkerlerine qolaı­ly bolyp tabylady. Osy mehanızmdi iske qosý úshin 2011-2013 jyldar aralyǵynda 80,8 mıllıard teńge, onyń ishinde 28,8 mıllıard teńge osy jyly jumsalý qarastyrylǵan. Qazaqstannyń turǵyn úı qu­rylys jınaq bankiniń qu­ryl­ǵan kúninde aldymen óz bolashaqtaryn, óz otbasy­la­ryn osy bankpen baılanys­tyr­ǵan klıentterdi quttyqta­ǵymyz keledi. Ádette týǵan kúnde san alýan syılyqtar beriletini belgili, biraq biz úshin eń basty syılyq – turǵyn úı qurylys jınaq júıesi arqyly qanshama adam óz turmysyn jaq­sartyp, óz baspanasynda bol­mys baqytyn sezingen qa­zaqstandyqtardy kórý. Mine, osy bolar, halyqqa qyz­met kórsetip, ter tókken Bank eńbeginiń eń basty nátıjesi... Qosymsha aqparatty «Qazaqstannyń turǵyn úı qury­lys jınaq banki» AQ-tyń myna telefondary arqyly alýǵa bolady: Almaty q., 279-35-11, Astana q., 40-72-76, Tal­dy­qor­ǵan q., 24-40-48, Qaraǵandy q., 43-62-02, Qyzylorda q., 26-26-64, Pavlodar q., 34-08-99, О́skemen q., 75-48-65, Atyraý q., 32-04-00, Taraz q., 42-58-80, Aqtóbe q., 55-72-21, Aqtaý q., 43-96-91, Qostanaı q., 53-38-20, Petropavl q., 42-79-94, Kókshetaý q., 25-63-04, Shymkent q., 21-33-62, Oral q., 54-03-33, Semeı q., 52-22-90 nemese myna saıtta www.hcsbk.kz Ibrahım KAPPASOV.