Brıtanııa premeri Devıd Kemeron parlamentte sóz sóılep, búkil eldi qamtyǵan kóshedegi tártipsizdikterge qarsy kúrestiń josparyn usyndy.
London tártip saqshylaryna sýatqyshtardy, rezeńke oq pen kóz jasaýratqysh gazdy belsendi paıdalanýǵa ruqsat ete otyryp, buzaqy jastardy aýyzdyqtaý úshin polısııanyń quzyryn kúsheıtpek nıette. 2012 jyly Londonda ótetin Olımpıada qarsańynda biz buzaqylardyń brıtan ultynyń da, bizdiń jastarymyzdyń da ókilderi emes ekendigin búkil álemge dáleldeýimiz kerek, dep málimdedi ol.
Apparat synaqtan ótpeı qaldy
AQSh-ta álemdegi eń jyldam ushatyn Falcon HTV-2 ushý apparatyn synaý osymen ekinshi ret sátsiz aıaqtaldy.
Jaqynda Kalıfornııadaǵy amerıkalyq «Vandenberg» áskerı-áýe bazasynan arnaıy zymyran tasyǵyshtyń kómegimen ushyrylǵan apparat Tynyq muhıtqa qulady, delingen osy apparatty jasaýmen aınalysqan qorǵanys mınıstrliginiń perspektıvaly zertteý baǵdarlamalary basqarmasynyń habarynda. Uzyndyǵy 3,7 metrdi quraıtyn, saǵatyna 21 myń shaqyrym shapshańdyqpen ushatyn atalmysh ushaq Pentagonnyń nıetinshe ıadrolyq bombany planetanyń kez kelgen núktesine bir saǵatqa jetpeıtin ýaqytta jetkizýge tıis bolatyn.
Lıvııa elshiligine shabýyl
Shvesııanyń polısııasy Stokgolmdegi Lıvııa elshiligin shabýyl jasaı otyryp, basyp aldy.
Jeti adam tutqyndaldy. Osynyń aldynda belgisiz bireýler Lıvııa oppozısııasyn qoldaıtyn urandardy daýystaı otyryp, ǵımaratty basyp alǵan bolatyn. Olar ózdi-ózimizge qol jumsaımyz nemese elshilikti órtep jiberemiz dep qorqytty. Polısııa alǵashynda tártip buzýshylarmen kelissóz júrgizgen bolatyn. Biraq qylmyskerlerdiń biri tutanǵysh suıyq quıylǵan shólmekti terezeden laqtyrǵan sátte birden shtýrm bastaldy.
Rýmyn azamattaryna shekteý qoıyldy
Eýrokomıssııa Ispanııanyń osy jyldyń 1 tamyzynan bastap 2012 jyldyń 31 jeltoqsanyna deıin eldiń jumys kúshi rynogyna Rýmynııa azamattarynyń kelýine ýaqytsha shekteý qoıý jónindegi sheshimin qýattady.
Onda atalǵan sheshimniń Ispanııada qazirgi kezde jumys istep júrgen rýmyndarǵa qatysy joq ekendigi, biraq bolashaqta onyń eldiń búkil óńirleri boıynsha kúshinde bolatyny atap kórsetilgen. Oǵan eldegi IJО́-niń buryn-sondy bolmaǵan dárejede quldyraýy jáne jumyssyzdyq deńgeıi sebepker bolǵan. Degenmen, ıspandyq sarapshy-rekrýtshylar eldiń jumys kúshi rynogyn budan bylaı Qytaı, Bolgarııa jáne Moldova sııaqty elderden kelgen eńbek resýrstary basady degendi aıtyp otyr.
Tımoshenkonyń kisi ólimine qatysy bar ma?
AQSh prokýratýrasynda qazirgi kezde 2009 jyly Reseımen aradaǵy gaz kelisiminde ókilettigin asyra paıdalanǵan úshin sotta isi qaralyp jatqan eks-premer Iýlıa Tımoshenkonyń atyshýly kisi ólimine qatysy bolýynyń múmkindigi týraly aqparat bar.
Bul jóninde Ýkraına bas prokýrorynyń birinshi orynbasary Renat Kýzmın habarlaǵan. Áńgime 1996 jyly Donesk áýejaıynda áıelimen atyp óltirilgen parlament depýtaty Evgenıı Sherban týraly bolyp otyr. Bul qylmys áli kúnge deıin ashylǵan joq. Ýkraınanyń bas prokýratýrasy qazirgi kúni qylmystary úshin AQSh-ta jazasyn ótep jatqan eks-premer Pavel Lazarenkony osy iske tapsyrys berýshi dep aıyptaıdy. Al Tımoshenko bolsa 1990 jyldary Lazarenkomen iskerlik jáne saıası qarym-qatynastarda bolǵan.
Úmitkerler sany 54-ke jetti
Qyrǵyzstanda 54 úmitker eldiń joǵary memlekettik laýazymy úshin resmı túrde ortalyq saılaý komıssııasyna óz ótinishterin bergen.
Bul týraly juma kúni RIA Novostı agenttigine Qyrǵyzstan ortalyq saılaý komıssııasynyń ókili habarlaǵan kórinedi. Eldegi prezıdent saılaýy 30 qazanǵa belgilengen. Bul saılaý Qurmanbek Bakıevti taǵynan taıdyrǵannan keıingi bılikti zańdastyrý baǵytyndaǵy kezekti saty bolmaq. Qazirgi ýaqytta respýblıkany basqaryp otyrǵan ótpeli kezeń prezıdenti Roza Otýnbaevanyń ókilettigi 31 jeltoqsanda aıaqtalady. Prezıdent laýazymyna kandıdattar usyný 16 tamyzǵa deıin jalǵasady.
Kelisimge qol qoıylaryna úmitti
Koreıa Halyq Demokratııalyq Respýblıkasy taıaý ýaqyttarda jańadan ıadrolyq synaqtar ótkizýdi josparlap otyrǵan joq.
Ońtústik Koreıanyń syrtqy ister mınıstri Kım Son Hvannyń málimdeýinshe, el úkimeti Soltústik Koreıanyń ıadrolyq taldaýlar salasyndaǵy qyzmetin muqııat qadaǵalap otyr. Sol sebepti KHDR-dyń úshinshi ret ıadrolyq synaq ótkizýge daıyndalyp jatqandyǵy týraly aqparat joq. Soltústik Koreıanyń Iаdrolyq qarýdy taratpaý jónindegi kelisimnen shyǵatynyn málimdegen jalǵyz memleket ekenin aıta otyryp, mınıstr KHDR-dyń ıadrolyq synaqtarǵa tyıym salatyn kelisimge tez arada qol qoıatynyna senim bildirdi.
Solshyl radıkaldyń áreketi
Polısııa Estonııa qorǵanys mınıstrligi ǵımaratynda qarýdan oq atqylaǵan adamnyń esimin atady.
Ol 57 jastaǵy armenııalyq azamat bolyp shyqty. Estonııa premeri Andrýs Ansıptiń aıtýynsha, ol adam zańger bolyp jumys istegen jáne Birlesken solshyl partııanyń múshesi bolǵan. Oqıǵa 11 tamyz kúni oryn alǵan bolatyn. Er adam qorǵanys mınıstrligine kirip kelip, oq ata bastaǵan jáne kúzetshini kepildikke alǵan. Oqıǵa bolǵan jerge polısııa kúshteri tartylyp, arnaıy bólim qyzmetkerleri shabýyl jasamaq bolǵan kezde qylmysker ózin-ózi atyp óltirgen. Zardap shekken eshkim joq.
Internet materıaldary negizinde ázirlendi.
