Jalpy aýdany 1386 sharshy metrdi quraıtyn eki qabatty nysan ýnıversıtettiń óz qarajaty esebinen salynǵan. Stýdentterdiń praktıkalyq daıarlyǵyn arttyryp, jastar arasynda dene shynyqtyrý isin damytýǵa úles qosatyn keshenniń ashylýyna oblys, qala basshylary keldi.
Jańa sport saraıynyń birinshi qabatynda aýyr atletıkaǵa arnalǵan jabdyqtar, jalpy dene daıyndyǵy jáne gımnastıka qamtylǵan kópfýnksıonaldy sport zaly ornalasqan. Stýdentterge qolaıly jaǵdaı jasaý úshin munda kıim aýystyrý bólmeleri, jýynatyn bólmeler, ájethana, jeke shkaftar men qosymsha ınfraqurylym jumys istep tur.
Al ekinshi qabatta kúres zaly, boks rıngi, gımnastıka zaly jáne jalpy dene daıyndyǵyna arnalǵan qosymsha aımaqtan turatyn oqý-jattyǵý blogy bar.
Sonymen qatar munda oqytýshylar quramy úshin derbes kıim aýystyrý bólmeleri men qyzmettik kabınetter jasaqtalǵan.
«Jańa sport saraıyymyz ýnıversıtettiń materıaldyq-tehnıkalyq bazasyn edáýir keńeıtip, bilim berý baǵdarlamalaryn iske asyrýǵa, stýdentterdiń praktıkalyq daıarlyǵyn arttyrýǵa jáne dene shynyqtyrýdy júıeli damytýǵa zamanaýı jaǵdaı jasaıdy», deıdi JOO rektory, professor Nurlan Serǵalıev.
